web counter
LEXO PA REKLAMA!

SHKARKO APP

App Store
Google Play

E fundit!

x

“PD në paradoks politik”/ Hasimja: Mos iu ‘bjerë kokës’ partive të vogla, por të ndryshojë strategji

13 Janar 2026, 22:08, Politikë CNA

“PD në paradoks politik”/ Hasimja: Mos iu ‘bjerë

Politologu Ermal Hasimja ndau sot një analizë lidhur me situatën aktuale të Partisë Demokratike.

I ftuar në A2 CNN, Hasimja u shpreh se ekziston një paradoks politik me PD-në, pasi duke negociuar me PS-në, në këtë mënyrë u ‘bie kokës’ partive të vogla.

Sipas Hasimes, aleanca me partitë e vogla do të ishte më e ndershme dhe më e moralshme politikisht.

“PD ndodhet në një paradoks politik: nga njëra anë kërkon bashkëpunim me forcat e reja, ndërsa nga ana tjetër negocion me Partinë Socialiste ndryshime në Kodin Zgjedhor “u bien kokës” pikërisht këtyre partive.

PD ka më shumë nevojë se kushdo tjetër për bashkëpunim opozitar, pasi është forca më e madhe, por nuk është e gatshme të bëjë lëshime apo sakrifica reale. Nuk ka kuptim të kërkosh bashkëpunim me partitë e vogla dhe, në të njëjtën kohë, të biesh dakord me PS-në për ndryshime në Kodin Zgjedhor që i dëmtojnë ato.

Politikisht dhe moralisht më e ndershme që PD, për sa kohë kërkon aleanca, të shtrinte dorën ndaj partive të reja, sidomos në çështje jetike si Kodi Zgjedhor. Këto parti sjellin vota që nuk do të shkonin kurrë drejt PD-së, duke krijuar një potencial më të madh opozitar”,-tha Hasimja./CNA





Lajmet e fundit nga