web counter
LEXO PA REKLAMA!

SHKARKO APP

App Store
Google Play

U emërua kryeinspektor i Përgjithshëm/ Kush është deputeti demokrat që u "shpërblye" nga Rama

15 Janar 2026, 14:57, Politikë CNA

U emërua kryeinspektor i Përgjithshëm/ Kush është

Burime për CNA konfirmuan ditën e sotme se kryeministri Edi Rama emëroi në postin e kryeinspektorit të Përgjithshëm, ish-deputetin demokrat, Dashnor Sula. 

Inspektorati Qendror ka nën mbikëqyrjen e tij të gjitha inspektoratet qendrore dhe vendore.

Dashnor Sula ka qenë një nga emrat më aktivë në Parlament kundër qeverisë.

Ndërsa së fundmi Sula ka qenë dhe një zë kundër Partisë Demokratike. Pas vendimit të sotëm, me sa duket Sula nuk është më një kundërshtar i qeverisë, por ka bërë edhe pakte me socialistët. Këta të fundit e shpërblyen Sulën dhe me post.

Pas mosmarrëveshjeve në zgjedhjet e fundit parlamentare, ato të 2025, Sula u largua nga Partia Demokratike. Mosmarrëveshje për shkak të listave të deputetëve, ku Sula nuk pranoi të ishte pjesë e listave të hapura.

Njëherë u bë pjesë e koalicionit Nisma “Shqipëria Bëhet” e më pas u largua dhe që aty, për shkak të mosmarrëveshjeve me drejtuesit e koalicionit, Shabani dhe Lapaj.

Dashnor Sula ka qenë pjesë e Parlamentit të Shqipërisë në vitet 2005-2013 dhe 2021-2025.

Më herët Sula ka mbajtur dhe detyrën e avokatit pranë prokurorive dhe gjykatave të ndryshme./CNA





Lajmet e fundit nga