web counter
LEXO PA REKLAMA!

SHKARKO APP

App Store
Google Play

E fundit!

x

Spiropali me homologun ukrainas: Shqipëria mbështetëse e palëkundur e Ukrainës

15 Janar 2026, 16:02, Politikë CNA

Spiropali me homologun ukrainas: Shqipëria mbështetëse e

Ministrja e Jashtme e Shqipërisë, Elisa Spiropali ndodhet në një vizitë në Kiev të Ukrainës.

Në një konferencë për shtyp me homologun ukrainas, Spiropali u shpreh se Ukraina prej 4 vitesh ndodhet në një sulm të paprovokuar nga Rusia dhe se përdorimi i një rakete balistike nga ana e Moskës është një përshkallëzim i rrezikshëm.

Spiropali shtoi se Shqipëria ka qenë një mbështetëse e palëkundur e Ukrainës që nga fillimi i agresionit rus.

‘’Rusia nuk ia ka dalë të mposhtë vullnetin dhe shpirtin e popullit Ukrainas.

Përulem para heronjëve që mbrojtën Ukrainën.

Ndërsa dimri po ashpërsohet, Ukraina po përballet sërish me sulme brutale dhe të qëllimshme të Rusisë ndaj infrastrukturës kritike të Ukrainës.

Këto sulme janë të paprovokuara.

Goditjet masive përfshirë edhe përdorimin e raportuar të një rakete balistike përfaqësojnë një përshkallëzim të rrezikshëm.

Veprime të tilla rrezikojnë sigurinë e të gjithë rajonit dhe vazhdojnë të minojnë stabilitetin global.
Shqipëria i dënon këto krime pa asnjë rezervë.

Ata që janë përgjegjës për këto mizori duhet të mbajnë përgjegjësi të plotë.

Shqipëria mbështet plotësisht përpjekjet ndërkombëtare për ta vendosur Federatën Ruse para përgjegjësisë për krimet e luftës.

Shqipëria ka qenë një mbështetëse e palëkundur e Ukrainës që nga fillimi i agresionit rus’’, tha Spiropali.

/CNA





Lajmet e fundit nga