web counter
LEXO PA REKLAMA!

SHKARKO APP

App Store
Google Play

E fundit!

x

Rama: Në kushtet e sotme, jemi të paintegrueshëm në BE sa i përket sigurisë ushqimore

16 Janar 2026, 12:10, Politikë CNA

Rama: Në kushtet e sotme, jemi të paintegrueshëm në BE sa i

Kryeministri Edi Rama në mbledhjen me Grupin Parlamentar të PS-së u shpreh se Shqipëria në kushtet e sotme është e paintegrueshme në BE për shkak të mospërmbushjes së sigurisë ushqimore.

Rama theksoi se beteja kryesore e Shqipërisë për integrimin në BE do të jetë pikërisht në sektorin ushqimor.

"Në momentin që flasim përmes skuadrës së negociatave jemi duke negociuar periudhën e ndërmjetme pas momentit të anëtarësimit që t'i japim mundësi vendit që të jetë i gatshëm që të përmbushë kriteret.

Kjo nuk është diçka që bëhet ekskluzive për ne.

Kjo është diçka e mekanizmit të anëtarësimit.

Është diçka që e kanë bërë edhe vende përpara nesh.

Ndërkohë që u referohemi rasteve, jemi besimplotë se do të mund të marrim një lehtësim të tillë.

Beteja kryesore do të jetë në sektorin ushqimor, për të gjithë prodhuesit në fshat.

Në kushtet e sotme ne jemi të paintegrueshëm në BE për shkak të mospërmbushjes së kriterit të sigurisë ushqimore në BE.

Po përpiqemi të fitojmë një kohë të ndërmjetme pas anëtarësimit", tha Rama./CNA





Lajmet e fundit nga