web counter
LEXO PA REKLAMA!

SHKARKO APP

App Store
Google Play

E fundit!

x

“Të ndërpriten orët e marra me forcë të opozitës në Kuvend”/ Rama kërkon zbatimin e rregullores

16 Janar 2026, 17:46, Politikë CNA

“Të ndërpriten orët e marra me forcë të

Kryeministri Edi Rama në mbledhjen e grupit parlamentar të PS ka kërkuar që të zbatohet rregullorja në Kuvend.

Sipas tij opozita ka më shumë orë në dispozicion për të folur se sa opozitat në parlamentet e BE-së. Kryeministri theksoi se duhet të ndërpriten orët e marrë me forcë nga opozita dhe që fjala procedurë të mos jetë e barabartë me fjalën pengmarrje.

“Ky proces kërkon një administratë apo shërbim administrativ të Kuvendit më cilësor. Kemi folur për reformën e brendshme, janë bërë disa hapa, por një administratë e cila numëron 350 vetë, nga të cilët 300 janë nëpunës civilë, është goxha e madhe në numër, ndërkohë që barra e punës mbështetëse për komisionet, deputetët dhe Kryetarin e Kuvendit bie mbi një numër më të vogël se numri i përgjithshëm. Kjo kërkon vëmendje.

Duhet të shtojmë forca të reja për komisionet dhe çështjet që lidhen me negociatat. Ai mekanizmi që folëm, që lidhet me koordinim më të mirë mes qeverisë dhe grupit, duhet që kryenegociatori të jetë një kundërpalë që të lehtë dhe ekspertizën e nevojshme.

Së treti, për këtë pjesën e Kuvendit duhet ta riktheksojmë se në ndarjen e mandateve në Kuvend diferenca është shumë e madhe në ndarjen e orëve të fjalës në Kuvend, po të shikosh nga orët duket sikur jemi në një parlament 51 me 49, që do të thotë se orët e vëna në dispozicion të deputetëve të opozitës janë shumë më tepër se opozitës parlamentare të BE-së. Duhet të shikojmë se si do të ndërpriten orët e marra me forcë, me abuzim, në shkelje të plotë të etikës, duke përdorur procedurën për të marrë peng publikun për 1 ose 2 orë kur fillon seanca dhe për të pushtuar sallën, duke i vendosur pozitat në spektatorë të një teatri balte.

Në asnjë parlament të BE-së kjo nuk i lejohet asnjë force politike. Duke u bazuar te rregulloret e BE-së duhet ndërhyrë menjëherë, në mënyrë që fjala procedurë të mos jetë e barabartë me fjalën pengmarrje. Në asnjë parlament demokratik nuk tolerohet jo vetëm ndërhyrja fizike, por goditja në dinjitet e atyre që janë të pranishëm. Masat duhet të jenë të menjëhershme, ashtu siç i ka rregulluar, as më shumë as më pak. Niveli i rrugacërisë në Kuvend është bashkëverim dhe bashkëfajësi në goditje ndaj të rinjve që ndjekin Kuvendin. Është goditje në nivelin psikologjik, edukativ dhe në aspektin social, sepse krijon vetëm nxitje të urrejtjes dhe zgjerim të hendekut të pamerituar të shqiptarëve”, tha Rama./ CNA





Lajmet e fundit nga