E fundit!

21:34 Aktualitet

Protestat në Tiranë/ Eksperti i sigurisë: Prapavijë e huaj që e shfrytëzon dhe shumicë radikale në rrjete

Eksperti i sigurisë, Ervin Karamuço, ngriti sot dy shqetës...

Tragjedia në Spanjë/ Rama, mesazh ngushëllimi

19 Janar 2026, 09:16, Politikë CNA

Kryeministri Edi Rama ka reaguar lidhur me përplasjen tragjike të dy trenave në Spanjë. Në një reagim në platformën “X” drejtuar homologut të tij spanjoll, Rama u ka shprehur ngushëllimet familjeve të viktimave.

Ai shprehu solidaritet me popullin dhe qeverinë e Spanjës për këtë ngjarje të rëndë, ku kanë humbur jetën mbi 30 persona dhe janë plagosur mbi 100 të tjerë, disa prej tyre në gjendje kritike.

Reagimi i plotë i Ramës:

I dashur Pedro,

Me trishtim të thellë kam marrë lajmin për aksidentin tragjik hekurudhor të ndodhur në Adamuz.

Në emër të popullit të Shqipërisë dhe në emrin tim personal, dëshiroj të shpreh ngushëllimet e mia më të sinqerta për familjet e viktimave dhe solidaritetin tim me popullin dhe Qeverinë e Spanjës në këtë moment dhimbjeje.

Mendimet tona janë me ata që kanë humbur të dashurit e tyre dhe me të gjitha ekipet që po punojnë pa u lodhur në përballimin e kësaj tragjedie.

Dear Pedro @sanchezcastejon

He recibido con profunda tristeza la noticia del trágico accidente ferroviario ocurrido en Adamuz.

En nombre del pueblo de Albania y en el mío propio, quiero expresar mis más sentidas condolencias a las familias de las víctimas y mi solidaridad con…
— Edi Rama (@ediramaal) January 19, 2026

Përplasja e dy trenave me shpejtësi të lartë mbrëmjen e djeshme në Adamuz të Spanjës ka shkaktuar vdekjen e të paktën 39 personave dhe plagosjen e 152 të tjerëve, 24 prej të cilëve në gjendje kritike, sipas shifrave të fundit.

Ministri i Transportit, Oscar Puente, i cili udhëtoi në vendin e aksidentit, paralajmëroi se numri i të jeyëve të humbura nuk është përfundimtar dhe mund të rritet në orët në vazhdim. Sipas mediave spanjolle, gati 500 persona udhëtonin në dy trenat e përfshirë në aksident: 300 në trenin Iryo të linjës Malaga-Madrid dhe 184 në trenin Alvia të linjës Madrid-Huelva. Kompania italiane raportoi se treni i përfshirë në aksident i ishte nënshtruar inspektimit të fundit katër ditë më parë.

Kryeministri Pedro Sanchez do të udhëtojë në vendin e aksidentit këtë mëngjes, pasi anuloi takimin e tij të planifikuar për të hënën me kreun e Partisë Popullore (PP), Alberto Nunez Feijoo. /CNA