web counter
LEXO PA REKLAMA!

SHKARKO APP

App Store
Google Play

E fundit!

x

Ftesa për "bordin e paqes"/ Zhulali: Rama po e shet si private nga dëshpërimi

19 Janar 2026, 17:18, Politikë CNA

Ftesa për "bordin e paqes"/ Zhulali: Rama po e shet si private

Drejtuesja e Departamentit për Marrëdhëniet me Jashtë në Partinë Demokratike, Ilda Zhulali ka folur për ftesën ndaj Ramës për të qenë pjesë e “bordit të paqes”.

Zhulali tha se ftesa ka ardhur në emër të Shqipërisë, ndërsa Rama po e shet si ftesë private.

Zhulali tha se Rama po  e shet si ftesë private për shkak të dëshpërimit të tij.

 

“Këtë ftesë e ka marrë Edi Rama. Bashkë me këtë ftesë, ka marrë dhe statutin e kësaj organizate, ose kartën e kësaj organizate, siç quhet ndryshe, si dhe kërkesën që qeveria shqiptare të përcaktojë një zyrtar të saj, si përfaqësues të saj të përhershëm, për të marrë pjesë në takimet ndërkombëtare që do të zhvillohen në kuadër të këtij bordi. Kështu e ka quajtur Trump, por është më tepër sesa bord. Ajo, po ashtu, Donald Trump ka theksuar se në kuadër të rezolutës së miratuar vitin e kaluar, siç e përmenda, në kuadër të zhvillimeve në Gaza me synimin për ndërprerjen e konfliktit atje dhe për rindërtimin e Gazës, ka krijuar një bord ekzekutiv, ku ka caktuar disa nga përfaqësuesit më të lartë të administratës së tij, po dhe personalitete të tjera që ai gjykon se janë me peshë dhe ndikim shumë të madh dhe do të arrijnë një histori suksesi në Gaza. Dhe më tej, po ashtu, këta persona do të jenë përgjegjës secili për nga një me një objekt të veçantë pune, do të kenë disa teknokratë poshtë vetes, me të cilët do të punojnë për të arritur objektivat që do të vendosen së bashku, duke përfshirë këtu dhe palët e tjera që janë përfshirë në proces, përfshirë Izraelin.

 

Për këto lista ka patur diskutime, ka pasur mosdakordësi nga Izraeli, për shembull, për pjesëmarrjen e ministrit turk, apo të ministrit të Katarit, por është një proces në zhvillim. Por kjo është një gjë që është, thashë, në proces, ka zhvillime ditë pas dite, është pjesë e një diskutimi shumë serioz dhe të gjerë ndërkombëtar. Por në Shqipëri vjen në formën e vet më karagjoze të mundshme, për shkak të dëshpërimit që ndjen kryeministri ynë, sepse vetëm një nivel kaq i madh dëshpërimi mund ta çojë një kryeministër që të shesë një ftesë zyrtare që i jepet Republikës së Shqipërisë, si një ftesë private, thua se është ftuar të shkojë në një, në shtëpinë e Donald Trump apo në një klub ekskluziv, gjë që s'është aspak e vërtetë. Apo dëshpërimi për të çuar në një kontroll mediatik të atillë, sa i kam ndjekur me shumë vëmendje mediat, asnjëra prej mediave nuk e lexonte letrën se çfarë ishte shkruar aty, sepse letra e tregon qartë që nuk është një ftesë private e drejtuar Edi Ramës, siç e shiti ai për këto dy ditë rresht”, tha Zhulali.





Lajmet e fundit nga