web counter
LEXO PA REKLAMA!

SHKARKO APP

App Store
Google Play

E fundit!

x

"Risk për zhvillimet politike"/ Malaj: Rama po mitizohet sikur na e ka dërguar Zoti nga lart

19 Janar 2026, 21:10, Politikë CNA

"Risk për zhvillimet politike"/ Malaj: Rama po mitizohet sikur na

Ish-ministri i Financave, Arben Malaj i ftuar në A2 CNN ka folur për qeverinë dhe kryeministrin Rama. Malaj tha se vendi nuk e meriton këtë model qeverisje të papërgjegjshme.

Më tej, Malaj u ndal te reformat për të cilat tha se nuk mund të përdoren si kërcënim ndaj opozitës.

Ish-ministri deklaroi se mazhoranca dhe opozita duhet të shpenzojnë qindra orë duke bashkëpunuar në mënyrë që reformat të bëhen me çdo kusht.

Malaj u shpreh se çdo mitizim i bërë ndaj Ramës e dëmton atë dhe nëse ai vetë se kupton ky është një risk për zhvillimet politike.

 

“Ky vend nuk e meriton këtë model qeverisje, këtë papërgjegjshmëri dhe këtë fushatë mitizimi që në fakt e çmitizon brenda vendit të tij Edi Ramën. Kush nuk do t'ia thotë në sy, jam i bindur që do të jetë të parët që do t'i ngrihen kundërt sapo të ndjejë që pushteti i atij do të reduktohet.

Nuk mund të kërcënohet opozita për dy reforma zgjedhore që po s’ erdhe brenda shtatë ditësh ne s'kemi asnjë orë për të humbur me ju. Jo, ne do të humbasim qindra orë me njëri-tjetrin që të garantojmë që politika shqiptare të ç’tensionohen, që të garantojmë që reformat që zvarriten të bëhen me çdo kosto, që të garantojmë se do t'i rikthejmë fondet e humbura Shqipërisë vetëm në sektorin e bujqësisë 155 milionë euro dhe nuk e dimë sa janë ato për e-goverment dhe të krijojmë kulturën e ndarjes kombëtare dhe të pushteteve. Çdo fitore tjetër personale që po mitizohet sikur na i ka dërguar Zoti nga lart, e dëmton Edi Ramën. Në qoftë se Edi Rama nuk e kupton këtë gjë, por i pëlqen kjo, atëherë ky është një risk për zhvillimet politike të vendit tonë”, tha Malaj./CNA





Lajmet e fundit nga