E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

“Pse na përjashtuat”/ Deputetja: Nuk na ndalin dot urdhrat tuaj politikë

20 Janar 2026, 12:30, Politikë CNA

“Pse na përjashtuat”/ Deputetja: Nuk na ndalin dot urdhrat tuaj

Deputetja e PD-së, Elda Hoti, në mbledhjen e Byrosë së Kuvendit është shprehur se Parlamenti nuk është më i qytetarëve, por është kthyer në mburojë për interesat kriminale që kanë kapur shtetin.

Deputetja hodhi akuza duke thënë se përjashtimi nga Parlamenti nga një bandë hajdutësh, është medalje nderi për këdo që refuzon të heshtë, që nuk pranon të bëhet bashkëpunëtor me korrupsionin dhe krimin dhe lufton përballë tyre për një Shqipëri të lirë dhe demokratike.

Ajo paralajmëron mazhorancën se përjashtimi nuk do t’i ndalë dhe përgjigjen do ta marrin në 24 janar.

“Unë dhe kolegët e mi jemi përjashtuar për 30 ditë nga Parlamenti ashtu siç jemi përjashtuar mandatin e kaluar muaj me radhë.

Pse jemi përjashtuar me 30 ditë, sepse protestuam se Belinda Balluku u mor e pandehur nga SPAK-u dhe, në vend që të mbante përgjegjësi politike, ju e morët në mbrojtje.

Në çdo vend demokratik, një zyrtar i akuzuar nga drejtësia jep dorëheqjen.

Pse u përjashtuam sepse denoncuam krimin e organizuar, korrupsionin galopant dhe një sistem të ndërtuar mbi grabitjen e pasurisë publike.

Pse u përjashtuam sepse guxuam të përmendim emra, afera, tenderë të dyshimtë, lidhje të pushtetit me oligarkët dhe mafien ekonomike.

Sot, mjafton të përmendësh Ramën apo Ballukun dhe fjala të ndërpritet dhe ndëshkohesh me përjashtime.

Ky Parlament nuk është më i qytetarëve, por është kthyer në mburojë për Ergysin, për Belindën dhe për interesat kriminale që kanë kapur shtetin.

Në fakt, përjashtimi ynë nga Parlamenti nga një bandë hajdutësh si ju, është medalje nderi për këdo që refuzon të heshtë, që nuk pranon të bëhet bashkëpunëtor me korrupsionin dhe krimin dhe lufton përballë jush për një Shqipëri të lirë dhe demokratike.

Ne do të vazhdojmë të denoncojmë, brenda dhe jashtë Parlamentit. Nuk na ndalin dot urdhrat tuaj politikë.

Prandaj, mësohuni me këtë realitet, përjashtimet tuaja të paligjshme nuk na ndalin dhe përgjigjen do ta merrni me datë 24 ora 17:00”, deklaron Hoti./ CNA