web counter
LEXO PA REKLAMA!

SHKARKO APP

App Store
Google Play

E fundit!

x

Homazhet për "21 janarin"/ Rama: Katër viktimat ende nuk po prehen të qeta

21 Janar 2026, 10:02, Politikë CNA

Homazhet për "21 janarin"/ Rama: Katër viktimat ende nuk po

Në Kryeministri po zhvillohet ceremonia e homazheve për “21 Janarin”. I pari që ka marrë fjalën ishte kryeministri Edi Rama, i cili tha se para 15 vjetësh u morën katër jetë të pafajshme dhe u plagosën disa të tjerë.

Rama tha se këto vrasje ishin pasojat e asaj që ai e cilësoi “mendje kriminale që donte t’i tregonte kundërshtarit politik se të vriste”. Ndër të tjera ai foli edhe lidhur me hetimet për këtë çështje, ku tha se trupat e 4 viktimave ndonëse janë tretur nën dhe, ende nuk po prehen të qeta.

“Kur pas disa orësh turma në bulevard nisi të shpërndahej, tytat e pushkëve u ulën drejt protestuesve dhe u morën 4 jetë të pafajshme duke u plagosur edhe protestues të tjerë. Pasojë fatale e mendjes kriminale, e cila me gjasë nuk deshi të humbte rastin pa u treguar kundërshtarëve politikë se të vriste me të vërtetë. Krim i pashembullt për Europën demokratike duke përvëluar shpirtrat e familjeve të 4 të rinjve, të cilët dolën nga shtëpia dhe nuk u kthyen më. 15 vjetët e këtij boshllëku janë sa një jetë e tërë e jetuar në ankth, dëshpërim dhe poshtërim.

Atyre 4 pjesëve të shpirtit tuaj që u janë tretur trupat nën dhe nuk u ka ardhur koha të prehen të qetë. As përmbysja e sistemit të vjetër të drejtësisë, as pavarësia e Gjyqësorit nuk kanë mjaftuar për ta zhdukur hijen e padrejtësisë së 21 janarit. Nuk ka mjaftuar as vendimi i Gjykatës së Strasburgut më shumë se 2 vjet më parë, që Prokurorët Specialë të kësaj Republike t’ia kishin kërkuar Gjykatës Speciale drejtësinë për 4 vrasjet e 21 janarit”, tha Rama. /CNA





Lajmet e fundit nga