web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria në Bordin e Paqes?/ Zhupa zbulon sesi do të votojë PD-ja

20 Janar 2026, 18:20, Politikë CNA

Shqipëria në Bordin e Paqes?/ Zhupa zbulon sesi do të votojë

Deputetja demokrate, Ina Zhupa komentoi sot procedurën me votë të përshpejtuar në Kuvendin e Shqipërisë për mundësinë e aderimit të vendi në Bordin e Paqes.

E ftuar në A2 CNN, Zhupa u shpreh se PD ka qenë dhe do të jetë gjithmonë një parti proamerikane dhe mbështetëse e iniciativës së presidentit të SHBA-së Donald Trump.

Zhupa shtoi se PD-ja nuk i ngatërron qëndrimet e saj ndaj mazhorancës me raportin që ka me SHBA-në, duke lënë të qartë së opozitarët do të votojnë pro.

“PD-ja ka qenë, është dhe do të jetë një parti proamerikane dhe proeuropiane dhe i shikon si partner strategjik SHBA-të. Fakti që Presidenti amerikan po ndërton një bord me të gjitha shtetet, ku Shqipëria nuk mund të bënte përjashtim, pasi aty gjen Rusinë, Bjellorusinë etj, pra nuk është privilegj për Ramën, por thjesht je një shtet ku do jesh pjesë e një bordi me mbi 100 shtete. Sa i përket PD-së, jo vetëm jemi parti proamerikane, por kemi mbajtur edhe qëndrim publik në mbështetje të Presidentit Donald Trump. Mbështesim çdo iniciativë të paqes dhe Trumpit dhe nuk do jemi kurrë kundër vendimeve të marra nga administrata amerikane. Kjo nuk është as çështje për diskutim në PD. Është në statutin tonë dhe në idealin tonë. Tentativa e Edi Ramës për ta shitur ftesën si një miqësi personale, si sukses apo lider i përzgjedhur, ishte propagandë sepse nuk ka lidhje me ndonjë arritje të mazhorancës. Është diçka protokollare dhe PD-ja nuk i ngatërron qëndrimet e saj ndaj mazhorancës me raportin që ka me SHBA-në”,-tha Zhupa./CNA





Lajmet e fundit nga