web counter
LEXO PA REKLAMA!

SHKARKO APP

App Store
Google Play

E fundit!

x

15 vite nga “21 janari”/ Berisha: I kam thënë të gjitha për këtë çështje, Garda zbatoi ligjin

21 Janar 2026, 14:00, Politikë CNA

15 vite nga “21 janari”/ Berisha: I kam thënë të

Kryetari i PD-së, Sali Berisha, në konferencën e sotme për mediat është pyetur për çështjen e “21 janarit”, ndërsa shënohen 15 vite nga protesta ku humbën jetën katër persona.

Berisha u shpreh se nuk ka asgjë të re për të thënë për këtë ngjarje, ndërsa akuzoi kryeministrin Edi Rama, kreun e opozitës së asaj kohe, si organizatorin e asaj proteste të dhunshme. 

Ndër të tjera shtoi se Rama i përdori protestuesit si “mish për top”. Ai tha se punonjësit e Gardës kanë qëlluar në kushte të ligjit.

“Unë i kam thënë të gjitha për këtë ngjarje. Kam shkuar dhe në prokurori e kam dëshmuar për këtë ngjarje, e cila ishte protesta më e dhunshme në historinë e vendit, e dokumentuar, e faktuar. Ishte protesta me agjendë politike, siç janë dokumentet ndërkombëtare. Ishte protesta e paralajmëruar e Edi Ramës, se do të tejkalohet Kushtetuta, etj., me radhë.

Ishte protesta e thirrur mbi bazën e falsifikimit të tmerrshëm, së bashku me Filip Çakullin, të një regjistrimi të bërë nga Dritan Prifti, i ndjeri, ku flitej për një letër, në mos gaboj, të një pronari, fitues tenderi për një HEC që e kishte marrë me gjykatë, jo nga ne. Gjykata ia kishte marrë një kompanie italiane dhe dhënë këtij, për arsye që unë nuk mund të them, por vendimi i gjykatës duhej zbatuar, nuk kishte dyshim dhe që ai thoshte, shkruhej në shkresë; i nderuar ministër, për këtë vonesë që po më bëhet, 3 muaj pa u zbatuar vendimi i gjykatës, sipërmarrja ime ka humbur 700 e ca mijë euro.

Dhe fjalën 700 e ca mijë euro që Ilir Meta i thotë Dritan Priftit, që jepja, zbato vendimin e gjykatës, Edi Rama dhe Filip Çakulli e transformuan sikur ky i kishte marrë apo po i kërkonte 700 mijë euro kompanisë. Pra, Edi Rama është përgjegjës kryesor për montimin dhe falsifikimin e dokumentit, tashmë e vërtetuar.

Për protestën e dhunshme që thirri, me një agjendë të caktuar. Prano zgjidhjen politike, më thotë mua, ose do të kalohet mbi kufoma. E gjitha kjo, nuk e di a e kanë thirrur apo jo, por ka një autor kryesor, organizator kryesor dhe ky është Edi Rama. Dhe për dijeninë tuaj, janë jo një, por më shumë se një, deklarata të qeverisë amerikane, por edhe të institucioneve ndërkombëtare ku kërkohet hetimi i plotë i këtij zhvillimi nga polici i thjeshtë tek organizatorët kryesorë.

Është eksplicite, organizatorët kryesorë. Kjo është e gjitha. Lotët që derdh janë lotët e krokodilit. Edi Rama i solli ata si 'mish për top' për pushtetin e tij. I solli si 'mish për top' për pushtetin e tij. Ina Rama e hetoi çështjen, por nuk guxoi kurrë të thërrasë Edi Ramën. Sa u dënuan aty, por nuk gjeti asnjë shkak se aty kishte qëllime, ku Garda qëlloi në kushtet e ligjit. Garda ka zbatuar ligjin, ndaj dhe ajo propozoi vendimet”, tha Berisha. /CNA





Lajmet e fundit nga