web counter
LEXO PA REKLAMA!

SHKARKO APP

App Store
Google Play

E fundit!

x

Bordi i Paqes në Kuvend/ Berisha: Ja çfarë fshihet pas kërkesës për procedurë të përshpejtuar

22 Janar 2026, 11:11, Politikë CNA

Bordi i Paqes në Kuvend/ Berisha: Ja çfarë fshihet pas

Projektligji “Për ratifikimin e marrëveshjes së pranimit të Republikës së Shqipërisë, përfaqësuar nga Kryeministri Edi Rama, në Kartën e Bordit të Paqes” ka shkaktuar debate në Kuvend për shkak se mazhoranca kërkon ta kalojë me procedurë të përshpejtuar, ndërsa opozita shprehet se nuk mund të ketë një procedurë të përshpejtuar që mund të jetë më e shkurtër se një javë.

Kreu i PD-së, Sali Berisha, ka deklaruar se kërkesa e mazhorancës është një akt që shkel në mënyrë flagrante nenet e Kushtetutës, që përcaktojnë afatin e një procedure të përshpejtuar.

Sipas Berishës, procedura e përshpejtuar është përpjekje e Ramës për të mbuluar grushtin e shtetit për mbrojtjen e Ballukut.

“Një sqarim, kjo që shihni ju nuk është procedura e përshpejtuar.

Ky që shihni këtu është një akt që shkel në mënyrë flagrante nenet e Kushtetutës, që përcaktojnë afatin e një procedure të përshpejtuar që nuk mund të jetë kurrë më e shkurtër sesa një javë. Këta nuk kanë Kushtetutë, nuk kanë ligj, nuk kanë moral. Edhe njëherë, kjo nuk është procedura e përshpejtuar.

Për çdo shqiptar, duhet ta ketë të qartë se procedura e përshpejtuar e këtij Parlamenti është e përcaktuar me nene kushtetuese, të cilat e ndalojnë zhvillimin e saj më shpejt se një javë nga iniciativa.

Në këtë kontekst, arsyet e kësaj që ndodhi janë të shumta, por para së gjithash është grushti i shtetit që po konsumon Edi Rama me Gjykatën Kushtetuese, e cila sot për turpin e saj vendos për të shtyrë më tej mbrojtjen e Lubi Ballukut dhe zhvlerësuar kërkesën e Prokurorisë Speciale për pezullimin dhe arrestimin e saj.

Pra, kemi të bëjmë me një akt kuverturë për grushtin e shtetit që po bën Edi Rama në mbrojtjen e vetes së tij 'de facto'”, tha Berisha./ CNA





Lajmet e fundit nga