web counter
LEXO PA REKLAMA!

SHKARKO APP

App Store
Google Play

Foto që flet vetë/ Pse Berisha po qorton Gaz Bardhin?

22 Janar 2026, 17:16, Politikë CNA

Foto që flet vetë/ Pse Berisha po qorton Gaz Bardhin?

Një fotografi e shkrepur gjatë daljes nga ambientet e Kuvendit të Shqipërisë të deputetëve të opozitës, ka kapur një moment disi të tensionuar mes kryetarit të Partisë Demokratike, Sali Berisha dhe kreut të Grupit Parlamentar të PD-së, Gazment Bardhi.

Siç vihet re nga mimikat dhe gjestet e bëra me duar e të dallueshme qartë në fotografi, duket sikur kryedemokrati Sali Berisha po qorton Bardhin.

Në fakt, ka disa arsye për të cilat Gaz Bardhi meriton një ‘tërheqje veshi’ nga Berisha.

Teksa nga njëra anë, Bardhi kërkon të shfaqet si politikani model i opozitës, nga ana tjetër është problematik në figurën e tij për disa çështje.

Të shumta kanë qenë qëndimet e padenja për një përfaqësues të opozitës, si Gaz Bardhi, larg kamerave, por edhe në disa raste të shprehura para kamerave dhe medias, ndryshe nga sa duhet të ndodhë tipikisht me një deputet që mban edhe detyrën e kreut të një grupi parlamentar.

Është vetë Bardhi ai që deklaronte disa vite më parë se do të largohej nga politika në qoftë se PD-në e merr Sali Berisha dhe është akoma aty.

Po ashtu, Gazment Bardhi është njeriu që ka kallëzuar në Prokurorinë e Posaçme demokratë si Belind Këlliçi, Albana Vokshi, Ivi Kaso, në kohën kur ishte në krah të Luli Bashës.

Po ashtu, përsëri në “kohën e Lulit”, Bardhi blindoi selinë e PD-së, duke penguar e bllokuar hyrjen për shumë demokratë.

Nuk kanë të numëruar bëmat e Gaz Bardhit, që duket se këtë qortim nga Berisha e ka hak./CNA





Lajmet e fundit nga