web counter
LEXO PA REKLAMA!

SHKARKO APP

App Store
Google Play

Shqipëria në Bordin e Paqës/ Muçi: Debatet para votimit në Kuvend, teatër për shqiptarët

22 Janar 2026, 21:07, Politikë CNA

Shqipëria në Bordin e Paqës/ Muçi: Debatet para votimit

Deputeti i Lëvizjes Bashkë, Redi Muçi u ndal sot te votimi në Kuvend i projektligjit për Shqipërinë në Bordin e Paqës.

I ftuar në A2 CNN, Muçi theksoi se debatet mes demokratëve dhe socialistëve ishin një teatër i radhës për shqiptarët.

Deputeti tha se teksa shtoi se diskursi do duhej të përqëndrohej çështje më të rëndësishme, si situata SHBA-BE, Groenlanda dhe tarifat.

“Ndodhi në fakt një lloj debat do ishte shumë ta quaj, sepse më tepër ishte grindje se kush është i preferuari i Amerikës. Për fat të keq shqiptarët panë atë teatrin e radhës, mes dy palësh që kanë të njëjtin problem dhe të njëjtat interesa se kush t'i serviloset më shumë liderit global pa analizuar në fakt pasojat që ka për vendin e tyre.  

I gjithë diskursi do duhej të përqëndrohej në tematikat e nxehta të ditës që diskutohen edhe përtej vakëfit të Shqipërisë. Domethënë do të duhet të flitej për faktin që ky konflikt mes SHBA-së dhe BE-së është diçka që ka krijuar një lloj amullie në lidhje me këtë që quhet aleanca euroatlantike apo jo? Në lidhje me çështjen e Groenlandës, me çështjen e tarifave të larta dhe që një vend si Shqipëria i cili aderon për t'u integruar në Bashkimin Europian.

Do të duhej minimalisht të dëgjonte argumentet e vendeve ndër më të rëndësishme të Bashkimit Europian si Franca, Norvegjia, Danimarka edhe Sllovenia që të cilat e refuzuan, por të dëgjonte dhe argumentet e shumë prej vendeve të tjera, pra të gjitha vendeve të tjera, të cilat ende nuk kanë mbajtur një qëndrim në lidhje me aderimin në këtë që quhet bordi i paqes, edhe sepse vë në dyshim si të thuash vazhdimësinë e organizatës së kombeve të bashkuara, ligjshmërinë e saj, themeluar që në vitin 1945 dhe këtu duhet të përmbahet diskursi, debati i sotëm në Kuvend”,-tha Muçi./CNA





Lajmet e fundit nga