web counter
LEXO PA REKLAMA!

SHKARKO APP

App Store
Google Play

E fundit!

x

Kapri zbulon “hallin” e madh të Ramës: Po përpiqet t’u japë mesazh SPAK-ut dhe Kushtetueses

23 Janar 2026, 15:49, Politikë CNA

Kapri zbulon “hallin” e madh të Ramës: Po përpiqet

Deputeti i Partisë Mundësia, Erald Kapri, ka akuzuar Kryeministrin Edi Rama se po shmang përgjegjësinë politike dhe po vepron në funksion të interesave private të investitorëve, në dëm të interesit shtetëror.

Në një deklaratë për mediat, Kapri u shpreh se, përtej “seancës së shëmtuar” në Kuvend dhe sulmeve të kryeministrit, shqetësimi kryesor i Ramës mbetet drejtësia. Sipas tij, kryeministri po përpiqet t’i dërgojë një mesazh SPAK-ut dhe Gjykatës Kushtetuese se gëzon mbështetje ndërkombëtare dhe se nuk duhet të hetohet.

Ai u ndal edhe te çështja e ministres Belinda Balluku, duke e cilësuar situatën delikate, pasi, sipas tij, ajo nuk ka dhënë dorëheqjen dhe ka akuza për presion ndaj dëshmitarëve.

Kapri theksoi se shumica e shqiptarëve kërkojnë ndëshkimin e korrupsionit dhe se opozita do ta vijojë këtë betejë edhe përmes protestave.

“Përtej asaj seance të shëmtuar nga sulmet e kryeministrit, si ka mundësi pse kryeministri nuk mban përgjegjësi. Kryeministri përballë interesit privat të investitorit zgjedh këtë dhe jo interesin shtetëror.

Kryeministri ka një hall të madh dhe halli i tij është drejtësia. Ai po përpiqet të japë një mesazh për SPAK-un dhe GJK që ka mbrojtjen e Trump dhe mos guxoni të më hapni një çështje siç bëtë me Ballukun. Presioni më i madh është mbi Kushtetuesen.

Në rastin 'Balluku' situata është delikate pasi nuk dorëhiqet dhe prokuroria thotë që ka bërë presion ndaj dëshmitarëve. Shumica e shqiptarëve duan ndëshkimin e korrupsionit dhe këtë po përpiqemi të bëjmë ne edhe me protestat. Balluku ka mbaruar punë, sado të mundohet ta shtyjë ajo do të japë llogari, por ajo që ngelet është fati i Ramës”, tha ai./ CNA





Lajmet e fundit nga