web counter
LEXO PA REKLAMA!

SHKARKO APP

App Store
Google Play

E fundit!

x

Baçi: Qytetarët janë të zemëruar, opozita do ketë protestë të fuqishme

24 Janar 2026, 16:43, Politikë CNA

Baçi: Qytetarët janë të zemëruar, opozita do

Deputeti demokrat, Luan Baçi deklaroi sot se protesta e thirrur nga opozita do të jetë e fuqishme dhe e qëndrueshme, si rezultat i zemërimit qytetar.

I ftuar në “Syri Tv”, Baçi u shpreh se duhet të ketë një qëndresë ndaj qeverisë në pushtet, teksa shtoi se është në dorën e qytetarëve mënyra sesi do të shprehin zemërimin e tyre.

“Protestë e fuqishme, protestë e qëndrueshme, protestë me zemërim. Qytetarët janë të zemëruar, demokratët janë të zemëruar dhe zemërimi nuk nxirret, mllefi nuk nxirret me muzikë, me podiume, as me fjalime kushdo qofshin ata që mbajnë fjalime, se fjalimet ua dëgjojmë të gjithëve si politikanëve, edhe intelektualëve dhe qytetarëve të ndryshëm. I dëgjojmë nëpër foltore apo nëpër nëpër televizione apo biseda nga më të ndryshmet. E them këtë për arsye se ky është dhe mendimi i qytetarëve, mendimi i demokratëve, duhet të ketë një qëndresë, duhet të ketë zemërim, duhet të ketë diçka, se ka zemërim, ka mllef, ka mërzitje. Dhe për mua, ideja ime ka qenë gjithmonë, dita që protestojnë qytetarët, proteston opozita, pushtetin e kanë në duar qytetarët dhe ata duhet të vendosin se si do të zhvillohet protesta. Mund të bëni pyetjen se çfarë do të ketë sot protesta. Unë nuk jam në gjendje të përgjigjem se çfarë do të ketë sot në protestë dhe si do të zhvillohet protesta, për arsye se nuk mund të parashikoj absolutisht asnjë gjë se si duhet ta shprehin zemërimin qytetarët në tërësi dhe në përgjithësi. Pra është në duart e tyre, është në mendimin e tyre. Patjetër që organizatore është Partia Demokratike, opozita, patjetër që ne jemi në krah dhe në ballë të tyre dhe mbajmë, në kuptimin e mirë të fjalës, përgjegjësi për zhvillimin e kësaj proteste, por ama lëvizja e qytetarëve, zemërimi i qytetarëve shprehet gjithsecili në mënyrën e vet”,-tha Baçi./CNA





Lajmet e fundit nga