web counter
LEXO PA REKLAMA!

SHKARKO APP

App Store
Google Play

E fundit!

x

Opozita kërkon dorëheqjen e Ramës dhe qeveri teknike/ Paralajmërimi i Muçollarit

23 Janar 2026, 20:39, Politikë CNA
Opozita kërkon dorëheqjen e Ramës dhe qeveri teknike/
Grigels Muçollari

Anëtari i Kryesisë së PD-së, Grigels Muçollari në një intervistë për CNA, është shprehur se protesta e opozitës ka një kërkesë të panegociueshme, largimin e kryeministrit, krijimin e një qeverie teknike dhe zhvillimin e zgjedhjeve të lira dhe të parakohshme.

Muçollari thekson se opozita po kryen detyrën e saj kushtetuese ndaj një regjimi që ka kapur shtetin përmes korrupsionit.

Ai nënvizon se, kjo protestë synon të rikthejë votën e lirë si instrument ndryshimi për një qeverisje në funksion të qytetarëve dhe Shqipërisë.

“Protesta e thirrur nga opozita është pjesë e një lëvizje ose më saktë një sezon protestash me një kërkesë kryesore të panegociueshme: largimin e kryeministrit, krijimin e një qeverie teknike dhe zhvillimin e zgjedhjeve të lira dhe të parakohshme. Opozita është në kryerjen e detyrës së saj kushtetuese dhe morale për të patur një reagim të drejtpërdrejtë ndaj një regjimi që ka kapur shtetin përmes korrupsionit, ka deformuar vullnetin e qytetarëve dhe ka zhdukur mundësinë e një gare reale elektorale. Ndaj një ekonomie që po suportohet gjithmonë e më shumë nga narkotrafiku dhe korrupsioni qeveritar. Sot kemi të bëjmë më të varfër që janë në kufijtë e mbijetesës, shtresa e mesme nuk përballon dot jetesën dhe strehimin, ndërsa pushteti mbron të akuzuarit nga drejtësia. Kjo protestë synon të rikthejë votën e lirë si instrument ndryshimi për një qeverisje në funksion të qytetarëve dhe Shqipërisë”, tha Muçollari.

Sa i përket organizimit, Muçollari zbuloi se strukturat e PD janë të angazhuara për një protestë paqësore por qytetarët nuk do të ndalen të shprehin revoltën e tyre.

Sipas Muçollarit mesazhi është shumë i qartë, dorëheqja e kryeministrit dhe pa qeveri teknike nuk ka zgjedhje të lira dhe demokraci funksionale.

“Është thirrur një protestë paqësore nga opozita. Strukturat e Partisë Demokratike janë të angazhuara për një protestë paqësore por pa as më të voglin diskutim që nuk do të ndalim qytetarët të shprehin revoltën dhe zemërimin e tyre ndaj një qeverie arrogante e cila korrupsionin e ka moto qeverisëse dhe ka për model ekonomik pastrimin e parave duke e kthyer vendin gjithmonë e më të pajetueshëm nga njerëzit e ndershëm. Mesazhi është politik dhe i qartë. Dorëheqje e kryeministrit, pa qeveri teknike nuk ka zgjedhje të lira dhe pa zgjedhje të lira nuk ka demokraci funksionale”, u shpreh Muçollari.

Ndër të tjera, Muçollari shtoi se parlamenti është kthyer në një levë që nuk lejon drejtësinë të hetojë korrupsionin e qeverisë.

“Protesta s’mund të ketë skenar pasi ngel në dorën e qytetarëve të bëjnë atë por qëllimi i opozitës është ushtrimi i presionit publik të vazhdueshëm për dorëheqjen e kryeministrit dhe ngritjen e një qeverie teknike që të çojë vendin në zgjedhje të parakohshme dhe të ndershme.

Parlamenti aktual është i defaktorizuar dhe nuk ushtron më funksion kontrolli mbi ekzekutivin, madje është thjesht një levë që nuk lejon drejtësinë të hetojë korrupsionin e qeverisë ndaj zgjidhja politike nuk mund të vijë nga brenda këtij sistemi të kapur në ditën që u krijua nëpërmjet manipulimit të zgjedhjeve dhe deformimit të vullnetit të shqiptarëve. Protestat do të jenë pjesë e një aksioni opozitar të pandërprerë deri në arritjen e qëllimit”, deklaroi Muçollari./ CNA





Lajmet e fundit nga