web counter
LEXO PA REKLAMA!

SHKARKO APP

App Store
Google Play

E fundit!

x

“Qeveria e kapur në korrupsion ulëritës”/ Nard Ndoka e konfirmon, nesër në protestë

23 Janar 2026, 19:48, Politikë CNA

“Qeveria e kapur në korrupsion ulëritës”/ Nard Ndoka

Kreu i PDK-së Nard Ndoka ka konfirmuar për CNA, se do të jetë pjesë e protestës së nesërme që do të zhvillohet nga opozita për të larguar kryeministrin Edi Rama.

“Po, do të jem në protestë. Në një vend ku korrupsioni është kthyer në sistem qeverisjeje dhe arroganca në mënyrë komunikimi, prania në protestë nuk është zgjedhje politike, por detyrim qytetar”, është shprehur Ndoka.

Duke qenë një nga zërat kritik të PD-së, i pyetur nëse po proteston në mënyrën e duhur, Ndoka është shprehur se problemi nuk është opozita që proteston por qeveria që vjedh dhe tall qytetarët dhe sillet sikur pushteti është trashëgimi familjare.

“Kam qenë kritik ndaj PD-së dhe nuk e kam fshehur kurrë. Por sot, problemi nuk është opozita që proteston, problemi është një qeveri që vjedh, tall qytetarët dhe sillet sikur pushteti është trashëgimi familjare. Kritika ndaj opozitës nuk mund të shërbejë si mburojë për qeverinë, përkundrazi si një mundësi për të korrigjuar veten”, tha Ndoka.

A mundet PD të rrëzojë Ramën dhe qeverinë me protesta? Sipas kreut të PDK, Nard Ndoka një protestë nuk e rrëzon një qeveri, por protestat tregojnë se një qeveri ka humbur lidhjen me realitetin dhe qytetarët.

Ai thekson se qeveritë nuk bien vetëm nga vota por dhe edhe kur shoqëria pushon se besuari se ato kanë ndonjë arsye për të qëndruar.

“Një protestë nuk e rrëzon një qeveri, por protestat tregojnë se një qeveri ka humbur lidhjen me realitetin dhe me qytetarët. Qeveritë nuk bien vetëm nga vota, bien edhe kur shoqëria pushon së besuari se ato kanë ndonjë arsye për të qëndruar. Protesta është instrument i qytetarit për të frikësuar, ndaluar dhe larguar një qeverisje e kapur në flagrancë, në krim zgjedhor dhe korrupsion ulëritës”, nënvizoi Ndoka./ CNA





Lajmet e fundit nga