web counter
LEXO PA REKLAMA!

SHKARKO APP

App Store
Google Play

E fundit!

x

Efektivët e dëmtuar nga protestat/ PD, me variant tjetër: Frika e Ramës për fundin e regjimit

24 Janar 2026, 21:39, Politikë CNA

Efektivët e dëmtuar nga protestat/ PD, me variant tjetër: Frika e

Partia Demokratike ka deklaruar sot, se ndryshe nga sa është bërë me dije nga policia, nuk ka asnjë efektiv policie të është paraqitur për ndihmë të parë në spitale, me dëmtime prej protestës së opozitës.

Në qëndrimin zyrtar, PD mohon të dhënat, duke e cilësuar si një përpjekje për të ngjyrosur me dhunë një protestë masive.

Deklarata e plotë:

Partia Demokratike i konsideron mashtrime dhe të pabaza pretendimet e zëdhënësve të narkopolicisë se janë plagosur 12 efektivë policie.

Sipas informacioneve tona të grumbulluara në mënyrë operative në të gjitha spitalet e kryeqytetit, asnjë efektiv policie nuk është paraqitur për ndihmë të parë.

Përpjekja për të ngjyrosur me dhunë një protestë masive kundër narkoregjimit, nuk është gjë tjetër veçse frika e Ramës dhe shërbëtorëve të tij se zhvillimet politike në Shqipëri kanë arritur në ‘kilometrin e fundit’.

Partia Demokratike thekson se, jo vetëm nuk ka policë të plagosur, por ka dhjetëra protestues të lënduar dhe dhjetra të tjerë të arrestuar, shpesh në mënyrë të paligjshme nga patronazhistë të qeverisë, njerëz pa uniformë dhe pa simbolet e  policisë.

Çdo tejkalim i ligjit do të merret shënim dhe çdo abuzues do të mbajë përgjegjësi të plota.

Partia Demokratike falenderon edhe njëherë të gjithë mbështetësit dhe protestuesit, dhe siguron të ndaluarit dhe familjarët e tyre, se ata do të marrin çdo ndihmë ligjore dhe mbështetje.

Ky është fillimi i fundit për narkoregjimin dhe narkopolicinë.

Tërbimi i demonstruar sonte me përdorim gazrash helmuese dhe dhune të shpërpjestuar është dëshmi e kësaj./CNA

 





Lajmet e fundit nga