web counter
LEXO PA REKLAMA!

SHKARKO APP

App Store
Google Play

"Procesi i integrimit të bazohet në meritë"/ Berisha takim me këshilltarin e CDU-CSU

27 Prill 2026, 09:56, Politikë CNA

"Procesi i integrimit të bazohet në meritë"/ Berisha

Kryetari i PD-së, Sali Berisha, ka zhvilluar sot një takim me këshilltarin për politikën e jashtme pranë Grupit Parlamentar të CDU-CSU-së, Christian Forneck. Pas takimit, Berisha ka folur për mediat, ku tha se diskutimet me Forneck ishin të frytshme dhe se lidheshin me integrimin e Shqipërisë në BE.

Berisha u shpreh se procesi i integrimit duhet të jetë i bazuar në meritë. Sipas tij, për realizimin e kësaj ekzistojnë të gjitha mundësitë, por jo nën qeverisjen e kryeministrit Edi Rama. Sipas tij, edhe Bundestagu gjerman ka insistuar që procesi i integrimit të jetë i bazuar në meritë.

“Një proces i integrimit duhet të jetë i bazuar në meritë, është interesi absolut i qytetarëve shqiptarë. Një Shqipëri epiqendër e organizatave kriminale të Europës dhe botës, siç cilësohet në disa raporte të Departamentit të Shtetit, është rrezik real për paqen në Shqipëri, rajon dhe më gjerë. Kushtet duhet të jenë një proces si bazuar në meritë. Për këtë ekzistojnë të gjitha mundësitë, por jo me Edi Ramën. Ishte diskutim i frytshëm.

Bundestagu është parlamenti, që, siç e dini, ka ndjekur në mënyrën më serioze dhe më dashamirëse procesin e integrimit të vendeve të rajonit në BE. Edhe në kohërat e skepticizmit më të madh, ky institucion insistoi që ky proces të vazhdojë i bazuar në meritë. Kërkesat e tyre prej 13 pikash për Beogradin kanë qenë dokument historik. Nëse Serbia do të ishte përmbajtur do të ishte në BE. Plani prej 15 pikash për Shqipërinë, nëse do të ishte zbatuar do të ishte në BE. Përpjekja jonë është që Bundestagu të ruajë këtë interes që ka pasur për këtë proces jetik për shqiptarët. Ne kemi objektiv kryesor integrimin në BE”, tha Berisha. /CNA





Lajmet e fundit nga