web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet për kryetar në disa degë të PD-së/ Dalin rezultatet, ja kush janë fituesit

26 Prill 2026, 19:26, Politikë CNA

Zgjedhjet për kryetar në disa degë të PD-së/ Dalin

Partia Demokratike ka zhvilluar sot zgjedhjet për kryetar në disa degë.

Në degën 15 të PD-së në Tiranë, është rizgjedhur si kryetar dege, Florind Mansaku. Përballë tij garonte kandidati Gentian Shkreta. 

Në degën 16 është shpallur fitues Eduard Rexha, i cili garonte përballë kandidates tjetër, Luljeta Karamuca.

Në degën e PD-së në Vaun e Dejës, 731 anëtarët pjesëmarrës në procesin e zgjedhjes kanë rikonfirmuar në detyrën e kryetar, Benard Ndrecën. Në garë me Ndrecën ishin dhe dy kandidatët Nikollë Fermosi dhe Valer Ndoja.

Zgjedhjet për kryetar në disa degë të PD-së/ Dalin
Rezultati në Vaun e Dejës

Një tjetër degë ku janë mbajtur zgjedhje ishte ajo në Has, ku kryetar është zgjedhur Urim Dauti me 727 vota, kundrejt kandidatit tjetër Nezir Lushi që siguroi vetëm 56 vota. Në procesin e votimit morën pjesë 791 anëtarë, ku nga këto 8 vota ishin të pavlefshme.

Zgjedhjet për kryetar në disa degë të PD-së/ Dalin
Rezultati në Has

Në degën e PD-së në Mallakastër, Resmi Shanaj, u zgjodh kryetar dege me 133 vota, kundrejt kandidatit tjetër, Taulant Aliaj me vetëm 74 vota. Në procesin e votimit morën pjesë 212 anëtare, ku 5 vota rezultuan të pavlefshme.

Zgjedhjet për kryetar në disa degë të PD-së/ Dalin
Rezultati në Mallakastër

Ndërkohë në degën e Roskovecit, Emels Xhaxhaj u zgjodh si kryetari i ri. Në garën përballë kandidates Viola Çepele, Xhaxhaj siguroi 229 vota, nga 308 anëtarë që votuan. Ndërkohë bëhet me dije se 7 fletë votimi rezultuan të pavlefshme.

Numërimi i votave ka përfunduar edhe në degën e Kukësit, ku fitues u shpall Rrahman Demaj. Ai siguroi 642 vota, përballë kandidatit tjetër Sabah Cenaj, i cili mori 273 vota. Në këto zgjedhje morën pjesë 927 anëtarë të degës, nga rreth 1700 që janë në listë. 

Procesi i votimit që nisi në orën 08:00 në të gjitha degët u zhvillua pa probleme. /CNA





Lajmet e fundit nga