web counter
LEXO PA REKLAMA!

SHKARKO APP

App Store
Google Play

E fundit!

x

"Del jashtë grupi"/ Debate në mbledhjen e PS-së, Rama paralajmëron përjashtimin e Spiropalit

27 Prill 2026, 15:42, Politikë CNA

"Del jashtë grupi"/ Debate në mbledhjen e PS-së, Rama

Ditën e sotme Partia Socialiste ka zhvilluar mbledhjen e Grupit Parlamentar.

Mbledhje, e cila, sipas burimeve, është shoqëruar me debate mes kryeministrit Edi Rama dhe deputetes Elisa Spiropali.

Debate që kanë ardhur pas qëndrimeve publike të mbajtura nga Spiropali.

Sipas burimeve, Rama e ka paralajmëruar Spiropalin se mund të ketë edhe një përjashtim nga grupi nëse ajo bën një tjetër reagim apo mungon sërish në votime.

“Herën e parë nuk erdhe në votim. Herën e dytë bëre çarçafin (i referohet postimit në fb) dhe herën e tretë nuk ka, del jashtë këtij grupi”, mësohet të ketë thënë Rama.

 

Po ashtu, mësohet se kryeministri nuk e ka lejuar deputeten Spiropali as të marrë fjalën në fund të mbledhjes, duke i thënë se nuk mund ta marrë më fjalën.

 

Në kritikat e tij për Spiropalin, Rama mësohet t’i ketë thënë se në PS ka vetëm dy drejtime, ose me ta ose kundër tyre.

 

"Te puna e partisë nuk mund të bëni drama, dhe për këtë po të drejtohem ty Elisa. Nuk dua të krijoni situata në parti. Partia ka dy ngjyra, bardhë e zi. ose bardhë dhe me ne, ose zi dhe përballë nesh. Ti s’mund të replikosh këtu, ti nuk merr fjalë më, me ty është investuar PS dhe unë", ka thënë Rama në mbledhje sipas burimeve.





Lajmet e fundit nga