E fundit!

10:08 Aktualitet

“Bashkitë në fazë të re zhvillimi”/ Demo: Duhet projekte cilësore për të përthithur fondet e BE

Ministri i Shtetit për Pushtetin Vendor, Ervin Demo, dekla...

Deklarata e Hoxhës për mesazhet ndaj shqiptarëve/ Këlliçi: Thellon skandalin, të shkarkohet menjëherë

27 Prill 2026, 15:57, Politikë CNA

Deklarata e Hoxhës për mesazhet ndaj shqiptarëve/

Deputeti i Partisë Demokratike, Belind Këlliçi, ka bërë një reagim pas deklaratës së bërë nga ministri i Jashtëm, Ferit Hoxha, ditën e sotme, në lidhje me mesazhet e këtij të fundit ndaj shqiptarëve të Maqedonisë së Veriut.

Ofendoi shqiptarët/ Ministri Hoxha: Janë të javës së kaluar këto, gjërat kanë evoluuar
27 Prill, 14:59

Këlliçi shkruan se Hoxha sot pranoi që është autori i mesazheve fyese ndaj shqiptarëve të RMV-së me një reagim arrogant dhe të papërgjegjshëm.

Deputeti shprehet se me reagimin e sotëm, ku e cilësoi si të parëndësishme çështjen, Hoxha pranon autorësinë dhe e thellon edhe më shumë skandalin.

Më tej në reagimin e bërë, Këlliçi deklaron se ministri Hoxha me thellimin e këtij skandali meriton shkarkim të menjëhershëm, pasi nuk përfaqëson diplomacinë shqiptare.

Reagimi i Këlliçit

Feriti thellon skandalin, duhet të shkarkohet menjëherë!

Ferit Hoxha ka bërë një hap përpara sot, duke pranuar se është autor i mesazhit fyes e të papranueshëm ndaj shqiptarëve të Maqedonisë së Veriut. Por menjëherë ka treguar fytyrën e vërtetë që ka çdo bashkëpunetor i Edi Ramës, arrogacën dhe papërgjegjshmërinë totale!

E cilëson etiketimin që u bëri shqiptarëve atje, si idiotë, si një gjë të parëndësishme, që ka kaluar, që duhet harruar.

Me këtë sjellje poshtëruese, Ministri i Jashtëm i Shqipërisë e thellon edhe më shumë skandalin. Pranon se është ai autori, por thotë se është e parëndësishme, se nuk ja vlen të merremi me atë çështje.

Pra sipasj tij, t’i fyesh shqiptarët e Maqedonisë së Veriut, nga pozita e kryediplomatit, është normale dhe është çështje e vogël, e parëndësishme.

E vetmja gjë që duhet të bënte ky arrogant, është të kërkonte falje dhe të jepte dorëheqjen. Duke e thelluar edhe më shumë këtë skandal, Hoxha meriton shkarkimin e menjëhershëm.

Ai nuk përfaqëson as diplomacinë, as shtetin shqiptar.

Përfaqëson vetëm interesat e Edi Ramës, si kukull e tij që është.