web counter
LEXO PA REKLAMA!

SHKARKO APP

App Store
Google Play

E fundit!

x

"E kisha një plan"/ Meta tregon nëse është larguar nga politika

30 Prill 2026, 22:09, Politikë CNA

"E kisha një plan"/ Meta tregon nëse është larguar

Kreu i Partisë së Lirisë, Ilir Meta ka dhënë një intervistë për emisionin “Opinion” me gazetarin Blendi Fevziu.

I pyetur se a ka hequr dorë nga politika aktive, Meta tha se tërheqja ka qenë në planet e tij pas mbarimit të mandatit të Presidentit, por kthimi i tij u bë i pashmangshëm nga ngjarjet që ndodhën.

Meta u shpreh se tërheqja nga politika tani do të nënkuptonte për të braktisjen e lirisë.

Ish-presidenti u shpreh se është më i vendosur se kurrë për të luftuar për lirinë e tij.

 

PYETJE: Duke qenë në izolim dhe nën gjykim, a keni hequr ju dorë nga politika aktive?

 

PËRGJIGJE: Unë e kisha një plan për t’u larguar nga politika, kur edhe pse me dilema, pranova të bëhem President i Republikës, e nëse nuk do kishin ndodhur çmendurira si komploti për djegien e mandateve dhe marrëzia si betimet te “Lana” të anëtarëve të Gjykatës Kushtetuese ndoshta sot do të isha si ambasador në Danimarkën time të preferuar. Ato që ndodhën e bënë të pashmangshëm rikthimin tim në politikën aktive atje ku mund të ndryshohen gjërat në themel.

Që ditën e parë të largimit nga detyra e Presidentit të Republikës, shpikën një “e-mail” nga SHBA, se gjoja  unë kisha qenë bashkëpunëtor i Sigurimit të Shtetit, një palaçollëk që zgjati nja një vit duke përgojuar persona jopublikë. Pastaj pasi zbuluan disa telefona të njerëzve pranë meje, u përpoqën që të largohesha vetë me të “mirë”. Dhe meqënëse unë jo vetëm nuk u largova me të “mirë” dhe nuk u arratisa nga frika e letërporosive që vinin çdo ditë, i ranë shkurt dhe më rrëmbyen në 21 Tetor 2024. Largimi im nga politika tani, për mua është vetë braktisja e Lirisë, e cila është në ADN-në time. Ndaj jam më i vendosur se kurrë që të luftoj, jo thjesht për lirinë time, por të të gjithë shqiptarëve të ndershëm dhe patriotë.





Lajmet e fundit nga