web counter
LEXO PA REKLAMA!

SHKARKO APP

App Store
Google Play

"Vendimarrja në duart e një personi"/ Sejanimi: Partitë politike funksionojnë si PPSH dikur

30 Prill 2026, 21:15, Politikë CNA

"Vendimarrja në duart e një personi"/ Sejanimi: Partitë

Analisti Neritan Sejamini në një dalje televizive ka folur për garën për kreun e PD-së dhe funksionimin e partive në Shqipëri.

Sejamini tha se i gjithë organizimi politik në Shqipëri është autokratik. Sa u përket partive politike, Sejamini u shpreh se partitë sot funksionojnë si Partia e Punës dikur, ku strukturat brenda partisë janë thjesht fasadë dhe vendimarrja është në duart e një personi të vetëm.

Analisti u shpreh se në partitë shqiptare s’ka pasur kurrë demokraci të mirëfilltë.

 

“I gjithë organizimi social në Shqipëri, organizimi politik në Shqipëri, qeveritar në Shqipëri, por dhe organizimi, po të themi, institucional jo partiak është autokratik. Të njëjtin model ti e gjen kudo, e gjen në shoqërinë civile, të njëjtin model e gjen në qeverisje, e gjen në organizata të tjera, e gjen në akademi, po të duash ti e gjen edhe në biznese. Mënyra totalisht autokratike, personaliste e drejtimit. Dhe shoqëria jonë këtë lloj modeli e ka patur model të vazhdueshëm. Po të shikosh gjithë e Shqipërisë është një model që nga i cili ne nuk jemi shkëputur. Kemi kaluar nga një nga një qeverisje autokratike në qeverisje diktatoriale, pastaj autokratike, pastaj gjysmëautokratike.

Struktura më pak e reformuar në gjithë këtë periudhë është janë partitë politike të cilat sot funksionojnë në të njëjtën mënyrë siç ka funksionuar Partia e Punës në regjimin komunist kanë qenë parti personaliste. Strukturat janë formale, janë sa për fasadë, janë sa për sa për dukur, por në thelb gjithë vendimmarrja është e një personi të vetëm. Mund të ketë pasur momente kur është dukur sikur ka pasur demokraci, po asnjëherë s'ka pasur demokraci të mirëfilltë në partitë politike shqiptare. Është një problem më i madh që kemi ne si shoqëri”, tha Sejamini./CNA





Lajmet e fundit nga