web counter
LEXO PA REKLAMA!

SHKARKO APP

App Store
Google Play

Dy të mitur humbën jetën nga aksidenti në Durrës/ Braçe: Duhen riformoluar disa akte me ndryshimin e Kodit Penal

4 Maj 2026, 17:44, Politikë CNA

Dy të mitur humbën jetën nga aksidenti në Durrës/

Deputeti i Partisë Socialiste, Erion Braçe ka folur sot në seancë plenare për aksidentin tragjik në Durrës ku humbën jetën dy të mitur dhe u plagos rëndë një tjetër.

Braçe shprehet se aksidenti ishte “vrasje me dashje” dhe jo nga pakujdesia. Ai shprehet se ngjarje të tilla nuk duhet të normalizohen ndërsa shtoi se me ndryshimin e Kodit Penal duhen riformuluar aktet e tilla si “vrasje me dashje”.

“Dy familje përcollën sot shpirtin e tyre. Kush ka fëmijë e di se çdo të thotë të përcjellësh shpirtin tënd. Një tjetër po luftojnë me jetën. Të gjitha pasojë e një krimi në një rrugë lagjeje. Vrasje me dashje për mua dhe asnjëherë aksident. Dje kam puyblikuar një video ashtu siç ndodhi pa censuruar asgjë, me një arsye për të mos normalizuar një krim të tillë. Kodi Penal apo Kodi Rrugor e normalizojnë një krim të tillë. Pra morali është se mund të pish të dehesh, të shoqërohesh, procedohesh por ty të hiqen vetëm pikë patente. Nëse ke para paguan dyfshin e gjobës dhe shpëton patentën. Ai po hetohet për shkelje të rregullave të qarkullimit rrugor, drejtim automjeti i dehur apo largim nga vendi aksidentit. Ky është normalizimi ligjor që ne kemi. E kam thënë dje, kjo nuk shkelje e rregullave të qarkullimit rrugor, kjo është vrasje. Të riformulojmë akte të tilla si vrasje me dashje”, tha Braçe. /CNA





Lajmet e fundit nga