web counter
LEXO PA REKLAMA!

SHKARKO APP

App Store
Google Play

E fundit!

x

Boçi-mazhorancës: Të fortët e lagjes i keni patronazhistë dhe iu keni dhënë kartabiankë politike

4 Maj 2026, 19:20, Politikë CNA

Boçi-mazhorancës: Të fortët e lagjes i keni

Nënkryetari i PD-së, Luçiano Boçi ka komentuar në Kuvend deklaratat e mazhorancës për aksidentin në Durrës.

Boçi u shpreh se “të fortët e lagjeve”, siç iu referua kreu i Grupit të PS-së Taulant Balla autorit të aksidentit në Durrës, janë patronazhistë, drejtues të pushtetit vendor dhe deputetë.

Më tej, tha se këta "të fortët" s’duhet të kenë patentë, por nuk duhet të kenë "kartabiankë politike".

“Ju deputet të mazhorancës kam bindje që ndjeni dhimbje për atë që ka ndodhur dhe ne këtu jemi solidar me familjet e atyre fëmijëve që kanë humbur jetën. Nuk pajtohem me retorikën cinike që ju transmetoni këtu, që faji për ngjarjen qëndron në dy gabime. Gabimi i parë ligjor që ne nuk kemi ashpërsuar dënimet në Kodin Penal për ata që kryejnë aksidente me pasojë vdekje. Dhe gabimi i dytë, ai është më ciniku, që këta të fortët e lagjes paskan patentë dhe që të mos ndodhin këto ngjarje t’i heqim patentën. Këtyre të fortëve të lagjes iu i keni dhënë kartabiankë. Nuk kanë nevojë për patentë. Këta të fortët e lagjes bëjnë ligjin në lagjen e tyre, e kapin inspektorin e zonës prej hunde. Këta të fortët e lagjes ju i keni patronazhistë. Këta të fortët e lagjeve, që ju i njihni mirë me emër e mbiemër, janë ata që menaxhojnë shpërndarjen e drogës në shkollat 9-vjeçare dhe të mesme. Këta të fortët e lagjes ishit ju që i vendosët drejtues të pushtetit vendor. Këta të fortët e lagjes ju i bëtë deputetë këtu. Edhe patentë s’duhet të kenë, por s’duhet të kenë kartabiankë politike”, tha Boçi. /CNA

 





Lajmet e fundit nga