web counter
LEXO PA REKLAMA!

SHKARKO APP

App Store
Google Play

“I kanë hipur 'kalit' të integrimit mbrapsht”/ Dule i drejton gishtin Ramës: Marrëdhëniet me Greqinë, të ftohta

6 Maj 2026, 15:43, Politikë CNA

“I kanë hipur 'kalit' të integrimit mbrapsht”/

Kreu i PBDNJ, Vangjel Dule, ka deklaruar se marrëdhëniet Shqipëri-Greqi janë të ftohta.

Sipas Dules, përgjegjës për këtë është kryeministri Edi Rama.

Gjatë një interviste Dule u shpreh se Rama kërkon që marrëdhëniet t’i mbajë në tensione artificiale pa shkak e arsye, me tendencë në shërbim të agjendës së tij lokale.

“Marrëdhëniet, Shqipëri-Greqi, janë më të ftohta. Nuk ka marrëdhënie më të ngushta sesa midis grekëve dhe shqiptarëve. Por marrëdhëniet politike janë pas. Për mua ka një përgjegjës është Edi Rama. Ai kërkon që marrëdhëniet t'i mbajë në tensione artificiale pa shkak e arsye, me tendencë në shërbim të agjendës së tij lokale. Dhe kjo është katastrofike. Këto marrëdhënie janë me rëndësi për zhvillimin në të gjithë rajonin. Nuk ushtrohet politika e jashtme me improvizime”, tha Dule.

Më tej foli për procesin e integrimit të Shqipërisë në BE duke thënë se Rama me ministrat bënin evente për hapjen e negociatave ndërsa negociatat u hapën pas disa vitesh. Ai thotë se e njëjta gjë po ndodh dhe tani duke deklaruar se "i kanë hipur 'kalit' të integrimit mbrapsht".

“Është një kohë shumë e vlefshme në procesin e integrimit, por kujtojmë se nuk miratohet IBAR. Këta fshehin kokën duke kujtuar se nuk po i shohin të tjerët. Bota funksionon ndryshe. Nëse nuk do arrijmë të njohim dhe të punojmë konform këtij realiteti, fatkeqësisht do humbasim edhe trenin e radhës. Të mos harroni, se kemi bërë të pabërën, kemi dekoruar veten. Rama me ministrat bënin evente për hapjen e negociatave ndërsa negociatat u hapën pas disa vitesh. Kështu po ndodh edhe tani. I kanë hipur 'kalit' të integrimit mbrapsht”, u shpreh ai./ CNA





Lajmet e fundit nga