web counter
LEXO PA REKLAMA!

SHKARKO APP

App Store
Google Play

Protesta e 8 majit/ Berisha: Çdo orë t’ia kushtojmë përgatitjes së kryengritjes

6 Maj 2026, 13:53, Politikë CNA

Partia Demokratike ka zhvilluar ditën e sotme mbledhjen e Grupit Parlamentar.

Kreu i PD-së, Sali Berisha, ka mbajtur fjalën hapëse ku është ndalur te protesta e 8 majit, ditë të cilën e cilësoi si një ngjarje jashtëzakonisht të rëndësishme për opozitën.

Drejtuar demokratëve, Berisha u bëri thirrje që çdo moment t’ia kushtojnë përgatitjes së protestës së 8 majit, të cilën e quajti një akt kryengritjeje.

Kredemokrati u shpreh se mazhoranca po përpiqet të mbjellë terror në grahmat e fundit të saj.

“Jemi në prag të 8 majit, një ngjarje jashtëzakonisht e rëndësishme për opozitën shqiptare dhe shqiptarët. Ndaj dhe njëherë në mënyrën më të vendosur u bëj thirrje që çdo minutë, çdo orë t’ia kushtojmë përgatitjes së këtij akti të kryengritjes paqësore të 8 majit, si mesazhi më i rëndësishëm që ne u përcjellim shqiptarëve në kushtet kur përpiqen me çdo mjet t’i dekurajojnë. Përpiqen me të gjitha mjetet të mbjellin terror në grahmat e fundit.

Të dëshmojmë se ne nuk pranojmë kurrë Edi Ramën, qeverinë e tij si të ligjshme, nuk ka asnjë legjitimitet për shkak të zgjedhjeve që ka rrëmbyer, për shkak të vjedhjeve me të cilat është kapur. Dhe, të provojmë se ne jemi zëri i ndërgjegjes së shqiptarëve dhe jemi forca kryesore integruese, forca kryesore që punojmë për të ardhmen e këtij vendi”, tha Berisha.





Lajmet e fundit nga