web counter
LEXO PA REKLAMA!

SHKARKO APP

App Store
Google Play

“14 herë më e ndotur”/ Këlliçi ngre shqetësimin: Njësia 5 prin në të gjitha drejtimet për keq

6 Maj 2026, 19:22, Politikë CNA

“14 herë më e ndotur”/ Këlliçi ngre

Partia Demokratike më në krye Sali Berishën po zhvillon foltoren e radhës në Tiranë në njësinë numër 5.

Gjatë fjalës së tij deputeti Belind Këlliçi deklaroi se ndonëse njësia 5 është një nga më të  mëdhatë në Tiranë, ka një sërë problematikash duke nisur nga mungesa e kopshteve, çerdheve, ndotjes etj.

Këlliçi theksoi se kjo zonë është 14 herë më e ndotur dhe prin në të gjitha drejtimet për keq.

Deputeti u bëri thirrje qytetarëve të dalin të protestojnë me 8 maj për këto problematika.

“Një njësi që vuan për kopshte dhe çerdhe, ka kaluar nivelin e ndotjes 14 herë mbi normën e pranuar nga Bashkia e Tiranës. Një njësi që ndodhet në zemër të kryeqytetit, por sa i përket pastrimit të parave, prin në të gjitha drejtimet për keq.

Banorët do të duhet të dalin para Kryeministrisë, jo për partitë politike, jo për PD, por për veten e tyre, për familjen e tyre.

Është kjo qeverisja që ka larguar 1 milion shqiptarë, është kjo qeveri që ka rritur çmimin e naftës; kemi pagat më të ulëta në botë. Problemet janë politike, por jo partiake. Kjo qeveri ka marrë peng fatin dhe të ardhmen e vendit tonë dhe duhet të ndalet një orë e më parë.

Mesazhi ishte: mezi presim rikthimin e PD dhe rikthimin e rrugës së Shqipërisë drejt BE-së.

Bashkohuni në 8 maj për të larguar Ramën dhe për t’i hapur rrugën europiane Shqipërisë”, tha Këlliçi./ CNA





Lajmet e fundit nga