web counter
LEXO PA REKLAMA!

SHKARKO APP

App Store
Google Play

E fundit!

x

"Masakër me Zonat e Mbrojtura"/ Zhupa: Nuk mund ta kthejmë Shqipërinë në pika të vogla të Kumbaros

7 Maj 2026, 11:15, Politikë CNA

Deputetja e Partisë Demokratike, Ina Zhupa, në fjalën e mbajtur në seancën plenare u ndal te ligji për Zonat e Mbrojtura. Zhupa tha se tashmë nuk ka më Zona të Mbrojtura dhe kudo po shkojnë fadromat për të shembur dhe për t’u bërë ndërtime të reja.

Duke u ndalur te raporti i Parlamentit Europian, Zhupa tha se edhe ky raport bën thirrje për shfuqizimin e ndryshimeve të miratuara në vitin 2024, në ligjin për Zonat e Mbrojtura.

Zhupa deklaroi se kur të vijë koha për t’u hetuar ky ligj, nuk do të kenë mbetur më Zona të Mbrojtura prandaj duhen ndërmarrë ndryshime nga deputetët e Kuvendit.

Deputetja tha se nuk mund të kthehet Shqipëria në pika të vogla të Mirela Kumbaros.

 

“Tashmë nuk ka më Zona të Mbrojtura dhe kudo shkojnë fadroma pa pyetur se po shkatërrojnë trashëgiminë. Për herë të parë raporti i PE-së bën thirrje për shfuqizimin e ligjit që ka miratuar Kuvendi, për ndryshimet e vitit 2024 në ligjin për Zonat e Mbrojtura. Ky ligj është çuar në Kushtetuese nga PD dhe keni marrë një rezultat 4 me 4.

Nuk mund ta kthejmë Shqipërinë në pika të vogla të Mirela Kumbaros. Kur t’i vijë radha hetimit për ligjin e 2024, do jenë shkretuar Zonat e Mbrojtura. Duhet të ndërhyjë Kuvendi dhe të shfuqizojmë masakrën që po bëhet në Zonat e Mbrojtura me fadroma kudo pa nevojë për leje”, tha Zhupa./CNA





Lajmet e fundit nga