web counter
LEXO PA REKLAMA!

SHKARKO APP

E fundit!

x

“Minjtë hedhin valle në Pediatrinë e Lushnjës”/ Korreshi: Ministrja Sala të lërë buzëkuqët dhe të përgjigjet

7 Maj 2026, 11:18, Politikë CNA

Deputeti demokrat, Saimir Korreshi, tha sot se situata në Pediatrinë e Lushnjës është alarmante.

Në fjalën e tij gjatë seancës plenare, Korreshi tha se godina është “e pushtuar” nga minjtë, që po rrezikojnë shëndetin e fëmijëve që trajtohen në atë repart.

Korreshi bëri thirrje që ministrja e Shëndetësisë, Evis Sala, të paraqitet në Kuvend për interpelancë dhe të mos bëjë mungesa, pasi bëhet fjalë për fëmijët e qytetit të Lushnjës.

“Kisha një pyetje zoti kryetar. Atë ministren e Shëndetësisë a jua kanë zënë sytë? Se doja t’i tregoja pak pamjet e Pediatrisë në Lushnjë që po na hajnë minjtë. Po lozin minjtë te Pediatria e Lushnjës! Prandaj duam interpelancën dhe nuk është ajo godina që gjoja do të rregullohet. Urdhëro miu këtu si hedh valle. Kështu që shoqja ministre, të lërë buzëkuqët, por të përgjigjet për kalamajtë. Ose sillini një foto që të çmallemi me të”,-tha Korreshi./CNA





Lajmet e fundit nga