web counter
LEXO PA REKLAMA!

SHKARKO APP

App Store
Google Play

“S'e çan njeri kokën për krizën”/ Bozdo: Çmim i lartë i energjisë, na mungojnë rezervat

7 Maj 2026, 12:47, Politikë CNA

“S'e çan njeri kokën për krizën”/ Bozdo:

Deputeti demokrat, Enno Bozdo, tha sot se është shqetësues fakti që Shqipëria ka një çmim të lartë të energjisë elektrike, në një kohë kur vetë është prodhuese.

Duke folur për këtë çështje në Kuvend, Bozdo u shpreh po ashtu se edhe mungesa e rezervave të duhura të energjisë është problematike, në kohë kur konflikti në Lindjen e Mesme është ende aktiv.

Sipas deputetit, këta dy elementë ndikojnë drejtpërdrejtë te siguria kombëtare, edhe pse, sipas tij, qeveria nuk po i merr nën shqyrtim.

“Në ka një vend ku meritohet të ulet çmimi i energjisë përsëri është pikërisht Shqipëria sepse e prodhon pothuajse falas, por i fryhen kostot. Janë thuajse dy herë në krahasim me vitin 2013. I shtohen kostot e korrupsionit, tenderët dhe gjithçka tjetër. Sigurisht që çmimi te ne vjen ndryshe. Çmimi që paguan çdo familjar, 50% shkon për të mbuluar kostot e OSHEE-së. Ka humbur gjithë palcën teknike dhe është ndër ndërmarrjet publike që përdoret në çdo zgjedhje. Nuk kemi 90 ditë rezervë sigurie, kjo është çështja. Kemi krizë, por s'e çan njeri kokën për krizën. Ron Yafet është personi që është caktuar të zgjidhë situatën e energjisë. Komisoneri për Energjinë ka 30 ditë që ka njoftuar për t’u përgatitur për një rezervë energjie. Edhe nëse mbaron nesër lufta në Lindjen e Mesme, duhen të paktën 6 muaj për të aktivizuar rezervat. Ata që kanë gënjyer duhet të përgjigjen përballë ligjit. Kemi të bëjmë me një çështje që lidhet me sigurinë kombëtare”,-tha Bozdo./CNA





Lajmet e fundit nga