web counter
LEXO PA REKLAMA!

SHKARKO APP

App Store
Google Play

E fundit!

x

Skandali me licencimin e “Jet Bank”/ Ministrja e Shtetit ia "pason topin" Bankës së Shqipërisë

7 Maj 2026, 12:13, Politikë CNA

Ministrja e Shtetit, Erjona Ismaili, u përgjigj sot lidhur me çështjen e licencimit të bankës digjitale “Jet Bank”.

Në fjalën e saj, pasi kryeministri Edi Rama ia delegoi interpelancën e thirrur me të, Ismaili e cilësoi si një dezinformim të prodhuar në selinë e Partisë Demokratike, deputetë të së cilës ngritën kërkesën në Kuvend.

Sipas ministres, një procedurë e tillë nuk kryhet as nga Rama e as nga qeveria, por është vetëm kompetencë e Bankës së Shqipërisë.

 “Më vjen keq për dezinformimin dhe konfuzionin, si edhe shqetësimin e stisur në seli partish politike në kurriz të qytetarëve. Kjo është një njollë që Partia Demokratike e mban prej interesit të ekzagjeruar partiak që prevalon mbi interesin e qytetarëve shqiptarë dhe kombit. Kjo çështje nuk është kompetencë e qeverisë. Kushtetuta dhe ligji sanksionojnë qartë pavarësinë institucionale, duke përfshirë licencimin e veprimtarive bankare kryhet e pavarur dhe jashtë ndikimit nga çdo pushtet tjetër përfshirë atë ekzekutiv. Për ju janë të parëndësishme këto, nga historia e partisë suaj. E vërteta si Dielli nuk mbulohet dot me shoshë. Bankat nuk i licencon as kryeministri dhe as qeveria, por Banka e Shqipërisë. Ky është një gur themeli për garantimin e detyrave të saj, përfshirë mbikëqyrjen bankare. Çdo retorikë që minon besueshmërinë e saj mund të ketë pasoja të thella për gjithë ekonominë e vendit”,-tha Ismaili./CNA





Lajmet e fundit nga