Dyshimet për licencimin e Jet Bank/ Këlliçi kërkon komision hetimor dhe pezullim

7 Maj 2026, 12:22, Politikë CNA

Dyshimet për licencimin e Jet Bank/ Këlliçi kërkon

Deputeti i Partisë Demokratike, Belind Këlliçi, në interpelancën e sotme për bankën digjitale Jet Bank, tha se standardet për bankat online nuk janë kapriçio, por mure mbrojtëse ndaj kolapsit financiar.

Skandali me licencimin e “Jet Bank”/ Ministrja e Shtetit ia "pason topin" Bankës së Shqipërisë
7 Maj, 12:13

Këlliçi tha se Shqipëria e ka vërtetuar se nuk ka asnjë kapacitet për të përballuar sulmet kibernetike, ashtu siç e kërkojnë bankat digjitale.

Në interpelancën e zhvilluar, Këlliçi deklaroi se kërkon përgjigje të plota dhe të argumentuara nga kryeministri për disa pyetje të ngritura në lidhje me Jet Bank.

Interpelanca për Jet Bank/ Këlliçi: Ismaili ka marrë detyrën e vështirë të mbrojë bankën e Ramës
7 Maj, 12:01

Këlliçi ngriti pyetje për kapitalin e depozituar dhe verifikimin e bërë, kërkoi rishikimin e menjëhershëm të licencimit të Jet Bank si dhe pezullimin deri në përfundim të hetimeve parlamentare.

“Në vendet europiane bankat digjitale themelohen nga profesionistë dhe me kapital institucional. Investitorë joanonimë, jo si në rastin e Jet Bank. Standardet nuk janë kapriço, por mure mbrojtëse ndaj pastrimit të parave dhe kolapsit financiar. Shqipëria ka provuar se nuk ka asnjë kapacitet mbrojtës ndaj sulmeve kibernetike siç e kërkojnë bankat digjitale. Licencimi i një banke digjitale jashtë standardeve mund të rrezikojë procesin e integrimit. Nuk është rastësi që kjo licencë jepet me ritme rekord dhe me zero transparencë. Kërkoj përgjigje të shkruara të plota dhe të argumentuara nga kryeministri.

Mbi çfarë baze është dhënë licenca? Pse Banka e Shqipërisë nuk pezulloi procedurën e licencimit pas ndryshimit të strukturës aksionare? Cilat janë rezultatet? Nga vijnë 11 mln eurot e kapitalit të depozituar dhe si është kryer verifikimi?

Pse nuk janë hetuar lidhjet e drejtuesve të Jet Bank me Olive Hemmer? Lidhje të dokumentuara me dokumentet gjermane. Çfarë roli ka luajtur konsulli i nderit i Shqipërisë në Izrael? Çfarë masash mbrojtëse janë ngritur për të mbrojtur kursimet e qytetarëve që do t’i depozitojnë në Jet Bank? Pse 4 shtresa zyrtare të dorëzuara në Bankën e Shqipërisë kanë mbetur ende pa përgjigje?

Kërkoj rishikmin e menjëhershëm të licencimit të Jet Bank. Ngritjen e një komisoni hetimor parlamentar për të hetuar shkeljet. Pezullimin e menjërhershëm të licencës deri në përfundim të hetimeve parlamentare. Njoftimin publik të qytetarëve shqiptarë mbi rreziqet e identifikuara”, tha Këlliçi./CNA