web counter
LEXO PA REKLAMA!

SHKARKO APP

App Store
Google Play

E fundit!

x

Rritja e çmimit të karburanteve/ Karakaçi: Javën e ardhshme miratohet paketa mbështetëse për transportin publik

7 Maj 2026, 12:38, Politikë CNA

Rritja e çmimit të karburanteve/ Karakaçi: Javën e

Në seancën e sotme plenare është zhvilluar interpleanca me ministrin e Infrastrukturës dhe Energjisë, Enea Karakaçi, e kërkuar nga një grup deputetësh të opozitës në lidhje me çmimin e naftës në vend.

Në fjalën e mbajtur, ministri Karakaçi tha se masat e marra për krizën aktuale janë shumëplanëshe, ku tregoi se është në proces miratimi paketa mbështetëse për transportin publik. Paketë, e cila, sipas ministrit, pritet të miratohet javën e ardhshme.

Po ashtu, Karakaçi deklaroi se është ngritur grup pune për kontrollin e rezervave të hidrokarbureve, për të cilat tha se janë në përputhje me legjislacionin në fuqi.

 

“Kemi një përvojë të mirë në përballimin e situatave, që do ta përdorim për t’ia dalë mbanë dhe kësaj krize. Masat e marra janë shumëplanëshe. Është në proces miratimi paketa mbështetëse për transportin publik ndërqytetas dhe qytetas, e cila pritet të miratohet javën e ardhshme. Sa i përket kontrollit të depozitave për mbarëvajtjen e sigurisë, është ngritur grupi i punës i cili ka detyrë të kryejë kontrollet në terren për të parë mbajtjen e rezervave të hidrokarbureve. Rezervat e sigurisë janë në përputhje me legjislacionin në fuqi.

Rezerva e sigurisë së hidrokarbureve menaxhohet nga agjencitë shtetërore dhe vihet në dispozion kur ka mungesë të produktit final në treg. Deri tani Shqipëria nuk është e ekspozuar ndaj këtij risku.

Kemi bërë të gjitha diskutimet me grupet e interesit për këtë situatë, së cilës i jemi përgjigjur në kohën e duhur”, tha Karakaçi./CNA





Lajmet e fundit nga