web counter
LEXO PA REKLAMA!

SHKARKO APP

App Store
Google Play

E fundit!

x

Korreshi: Digjen mbetjet në Hysgjokaj të Lushnjës, masakër mjedisore dhe potencialisht kancerogjene

11 Maj 2026, 18:03, Politikë CNA

Korreshi: Digjen mbetjet në Hysgjokaj të Lushnjës, masakër

Deputeti demokrat Saimir Korreshi iu rikthye edhe sot problematikës në Hysgjokaj të Lushnjës, që këtë herë, nga situata me mbetjet është shndërruar në një vend për djegien masive të tyre.  

Siç theksohet nga Korreshi përmes një postimi në rrjetet sociale, kjo është një përpjekje e qëllimshme për të zhdukur gjurmët e ndotjes, ndërsa pasojat janë të rënda për mjedisin dhe shëndetin e banorëve.

Deputeti shton se tymi i dendur dhe potencialisht kancerogjen ka mbuluar zonën, duke krijuar një rrezik serioz për komunitetin lokal.

“Erdhëm përsëri sot. U rikthyem. Do thoni juve, u çmend Saimiri. Nuk u çmend kaq kollaj, por u rikthyem sot për të treguar gjithë plehrat e Lushnjes dhe të Hysgjokajt, që hidheshin në këtë mrekulli natyrore. Dhe shikoni çfarë ka ndodhur sot. Sot, mbasi e kanë parë videon e denoncimit të plehrave të Lushnjës, i kanë vënë flakën. Shiko çfarë situate dhe çfarë batërdije, ku të gjithë njerëzit paguajnë taksa për pastrim, taksa për gjelbërim, taksa për të gjitha të tjerat.

E taksat e lushnjarëve janë vetëm një fije shkrepëse. Përkthehen një fije shkrepëse, për t'i vënë zjarrin, për të ndotur gjithë këtë ambient dhe mund të marri gjithë ky pyll që është këtu, mund të marri flakë. Dhe u desh ndërhyrja e forcave zjarrfikëse. Siç tha dhe shoku Toroland Balla, për djegiet me zjarr, çfarë vepre penale është dhe sa dënohesh. Këtu mund të rrezikohet i gjithë ky pyllëzim, gjithë kjo bukuri natyrore, të shkrumbohej vetëm nga papërgjegjshmëria e atyre që, ato plehrat që ne treguam dje, donin t'i pastronin me zjarr dhe jo t'i pastronin ashtu siç paguajnë taksat çdo qytetar lushnjar. Ky është krim mjedisor i bërë sot. Gjithë ai pluhur, gjithë ai kancerogjen, ku shkon? Në mushkëritë e të gjithë lushnjarëve. Në vend që të shërbejë kjo për bukuri natyrore për ajër, për të pastruar si mushkëri për gjithë Lushnjen, shërben sot si varrezë e djegies së plehrave.

Jemi këtu, siç ju treguam më lart, atje ku ishim dje, në rrugën e Hysgjokajt. Urdhëro kur duken plehrat e djegura, ato që denoncuam dje. Urdhëro, ku e keni murin me djegie dhe atje ku ishin zjarrfikëset sot në mëngjes që fiknin zjarrin. Masakër mjedisore. Jemi pa fjalë. Edhe njëherë shikojeni, gjithë kjo bukuri, gjithë kjo natyrë nga të gjitha krahët dhe një masakër mjedisore që nuk lë vend për koment. Nuk është kjo zgjidhja. Nuk mundet, nuk mundet kurrsesi të jetë zgjidhja për heqjen dhe pastrimin e plehrave, djegia. Jo”,-tha Korreshi./CNA





Lajmet e fundit nga