web counter
LEXO PA REKLAMA!

SHKARKO APP

App Store
Google Play

“Doja të të kërkoja ndjesë se të ula gradat, lejove të dominojë cinizmi yt”/ Përplasje e ashpër mes Manjës dhe Peleshit

14 Maj 2026, 14:17, Politikë CNA

“Doja të të kërkoja ndjesë se të ula gradat,

Deputeti i PS-së, Ulsi Manja, ka reaguar nga foltorja e Kuvendit, pasi kryeparlamentari Niko Peleshi më herët nuk i dha fjalën për replikë dhe i kërkoi të mos i drejtohet si “Niko”.

Manja tha se donte t’i kërkonte ndjesë publike kryeparlamentarit për mënyrën se si iu drejtua, por që nuk u lejua ta bëjë sepse Peleshi “lejoi të dominojë cinizmi me mikrofon".

Ndër të tjera, shtoi se nuk gjeti nga ai mirëkuptimin që të merrte fjalën në vend të një deputeti tjetër socialist, ashtu siç, sipas tij, e lejon dhe rregullorja.

“Zoti kryetar i Kuvendit meqë qëparë nuk më dhe fjalën për t’iu përgjigjur Sali Berishës, të paktën të të kërkoja dhe ndjesën publike me mikrofon se të ula gradat që ke dhe preferove që në vend të ndjesës publike simes me mikrofon, lejove të dominojë cinizimi yt me mikrofon.  

Dua të të kujtoj se fuqia e ndjesës dhe pa mikrofon është më e fortë se cinizimi i kujtdo në raport me kolegët në këtë sallë. Unë e njoh rregulloren e Kuvendit si deputet prej vitesh, dhe kur ka çështje për diskutim me minutazh të caktuar nuk lejohet replika, por në mirëkuptim me kolegun mund të ndryshohet radha e fjalës.

Ju nuk e patët këtë mirëkuptim. Por ke mirëkuptimin tim të plotë se nuk është kollaj të përballesh me një dinozaur politk si Berisha, që mbijeton në pushtet me mjetet që di të përdorë më mirë, shpifjen, baltën, shantazhin dhe gradën që ka marrë së fundmi 'non grata'. Se që të përballesh me këtë lloj politik nuk të vjen në ndihmë rregullorja e Kuvendit, përveçse rregullorja jote”, u shpreh Manja. /CNA





Lajmet e fundit nga