web counter
LEXO PA REKLAMA!

SHKARKO APP

App Store
Google Play

E fundit!

x

Shehu-Hoxhës: Hipja në një karrocë me Serbinë nuk na çon drejt Brukselit, por në integrim gjysmëgjel

14 Maj 2026, 17:28, Politikë CNA

Shehu-Hoxhës: Hipja në një karrocë me Serbinë nuk na

Deputeti i Partisë Demokratike, Tritan Shehu ndau sot një kritikë në adresë të Ministrit për Evropën dhe Punët e Jashtme, Ferit Hoxha, pasi këtij të fundit i kaloi interpeleanca e kryeministrit Edi Rama.

Siç theksoi Shehu nga seanca plenare, editoriali mes Ramës dhe liderit serb Aleksandar Vuçi, nuk është gjë tjetër veçse një orientim i gabuar i politikave të vendir drejt Lindjes.

Shehu tha se kjo rrugë nuk e çon Shqipërinë as në Bruksel e as drejt integrimit të plotë europian.

“Rama dhe Vuçiç, majat e dy regjimeve në rajon, kërkojnë në shtyjnë drejt një integrimi gjysmëgjel, që mund të ishte i pranueshëm edhe për Rusinë, por jo për Shqipërinë. Ky është iluzion i dy regjimeve, që kërkojnë të shpëtojnë sundimin duke u kapur pas fijes së barit. U bëtë pjesë me Vuçiçin në artikull. Serbia ka një këmbë e gjysmë në Moskë. Strofulla e tyre është lindja. Zinxhir për të na tërhequr drejt Lindjes. Hipja në një karrocë me Serbinë nuk na çon drejt Brukselit. Thatë pikërisht atë që kisha parashikuar, asgjë. Bëtë demagogji, u përpoqët të justifikonit të pajustifikueshmen. Me veprimet tuaja në krah të Vuçiçit po i bëni një dëm të madh vendit dhe shqiptarëve, qoftë në drejtim të bashkëpunimit rajonal, qoftë dhe në procesin e integrimit europian. Ajo çfarë thoni nuk qëndron, lidhet dhe me origjinën e politikave tuaja, me nismën vuçiçiane të Ballkanit të Hapur”,-tha Shehu./CNA





Lajmet e fundit nga