web counter
LEXO PA REKLAMA!

SHKARKO APP

App Store
Google Play

Nxehet Manja, i drejtohet Peleshit: Nuk dua lëmoshë në shkelje të rregullores

14 Maj 2026, 14:20, Politikë CNA

Debate të ashpra ka patur ditën e sotme në Kuvend, ku njëri prej tyre ishte mes kryetarit të Kuvendit Niko Peleshi dhe deputetit të PS-së Ulsi Manja.

Manja kërkoi fjalën për t’iu përgjigjur kreut të PD-së Sali Berishës, por kjo kërkesë u refuzua nga kryetari i Kuvendit, i cili nuk pranoi që Manja t’i drejtohej në sallën e Kuvendit si Niko, pasi është kryetari i Kuvendit.

Teksa ka pritur të merrte fjalën, Manja lëshoi arsenalin e tij dhe i dha përgjigje kryetarit të Kuvendit Niko Peleshi.

“Zoti Kryetar i Kuvendit meqë qëparë nuk më dhe fjalën për t’ju përgjigjur Sali Berishës, të paktën të të kërkoja dhe ndjesën publike me mikrofon se të ula gradat që ke dhe preferove që në vend të ndjesës publike times me mikrofon, lejove të dominojë cinizimi yt me mikrofon. 

Dua të të kujtoj se fuqia e ndjesës dhe pa mikron është më e fortë se cinizimi i kujtdo në raport me kolegët në këtë sallë. Unë e njoh rregulloren e Kuvendit si deputet prej vitesh, dhe kur ka çështje për diskutim me minutazh të caktuar nuk lejohet replika por në mirëkuptim me kolegun mund të ndryshohet rradha e fjalës.

Ju nuk e patët këtë mirëkuptim. Por ke mirëkuptimin tim të plotë se nuk është kollaj të përballesh me një dinosaur politk si Berisha, që mbijeton në pushtet me mjetet që di të përdore më mirë, shpifjen, baltën, shantazhin dhe gradën që ka marrë së fundmi “non grata”. Se që të përballesh me këtë lloj politik nuk të vjen në ndihmë rregullorja e Kuvendit, përveçse se rregullorja jote”, tha Manja.

Pasi ka përfunduar replikën për Peleshin dhe Berishën, teksa bie sinjali për të treguar që koha e tij ka përfunduar, Peleshi i është drejtuar për t'i thënë se mund ta përfundojë fjalën deri në fund, por Manja me tone të ashpra nuk ka pranuar duke thënë: “Nuk dua lëmoshë kryetar, në shkelje të rregullores”./ CNA





Lajmet e fundit nga