web counter
LEXO PA REKLAMA!

SHKARKO APP

App Store
Google Play

Rezoluta për Integrimin/ Meta: Të shërbejë për reflektim të thellë, procesi të mos mbetet në letër

14 Maj 2026, 19:42, Politikë CNA

Rezoluta për Integrimin/ Meta: Të shërbejë për

Kryetari i Partisë së Lirisë, Ilir Meta ka reaguar lidhur me miratimin në Kuvend të Rezolitës për Integrimin e vendit në Bashkimin Europian.

Sipas Metës, ky është një moment për reflektim të thellë, ndërsa shtete të tjera të rajonit gjendjen më afër këtij procesi.

Meta thekson se vetëm përmes kësaj qasjeje do të jetë e mundur që i gjithë procesi të mos mbetet vetëm në letër, por edhe të realizohet.

“Përshëndes Rezolutën e miratuar me konsensus nga Kuvendi për procesin e anëtarësimit në Bashkimin Europian edhe pse tepër e vonuar si vetë procesi i integrimit europian të Shqipërisë.

Partia e Lirisë (LSI) lindi si domosdoshmëri për të zhbllokuar nënshkrimin e Marrëveshjes së Stabilizim-Asocimit, e cila u nënshkrua vetëm pas rotacionit demokratik në vitin 2005.

Në atë kohë, Shqipëria ishte shumë përpara Malit të Zi dhe Serbisë, ndërsa tani situata është krejtësisht e kundërt dhe prapambetja e Shqipërisë në procesin e integrimit është tepër kritike.

Ndaj sot është momenti për një reflektim të thellë për të rikthyer Parlamentin në kollonën mbajtëse të Republikes, të demokracisë dhe të llogaridhenies.

Uroj që kjo Rezolutë t'i shërbejë këtij reflektimi të thellë që duhet të jetë real dhe të mos mbetet vetëm në letër, pasi Shqipëria nuk ka patur dhe nuk ka asnjë pengesë për t'u anëtarësuar në BE përveç mungesës së plotë të vullnetit politik të deritanishëm për të garantuar respektimin e Kritereve të Kopenhagenit, zgjedhjeve të lira, demokracinë funksionale, barazinë para ligjit dhe sigurinë juridike, në respekt të standardeve kushtetuese dhe europiane”,-shprehet Meta./CNA

 





Lajmet e fundit nga