web counter
LEXO PA REKLAMA!

SHKARKO APP

App Store
Google Play

Rama dhe vijat e kuqe në PS/ Nga "deklaratat e dashurisë", te përplasja Berisha-Spiropali

15 Maj 2026, 13:02, Politikë CNA

Polemikat brenda kampit socialist dhe deklaratat e fundit të deputetëve Erion Braçe dhe Elisa Spiropali kanë marrë vëmendjen e kryeministrit Edi Rama, por edhe të opozitës.

Gjatë një bashkëbisedimi me botuesin Nikoll Lesi, Rama u është përgjigjur zërave për rebelim brenda llojit, ndërsa këtë të enjte debati u zhvendos në sallën e Parlamentit me akuza të ndërsjellta mes kryedemokratit Sali Berisha dhe vetë Spiropalit.

Kryeministri Edi Rama ka zgjedhur të shfaqet sportiv ndaj kritikave që vijnë nga brenda Grupit të tij Parlamentar.

Për Erion Braçen, kreu i qeverisë u shpreh se profili i tij kritik është thjesht vetvetja, ndërsa për Elisa Spiropalin, Rama i lexoi mes rreshtave si "deklarata dashurie". Megjithatë, ai nuk harroi të vendoste vijën e kuqe që siç tha nuk duhet shkelur.

Por, kjo krizë brenda socialistëve nuk ka kaluar pa u diskutuar nga opozita. Në seancën plenare të kësaj të enjteje, Sali Berisha ka shigjetuar Elisa Spiropalin, duke ironizuar marrëdhënien e saj me kryeministrin. Sipas Berishës, Rama po e flak deputeten pavarësisht elozheve që ajo i ka thurur ndër vite.

Nga ana tjetër Spiropali shmangu komentet mbi marrëdhënien e saj me Ramën, edhe pse në rrjete sociale ka qenë shumë e zëshme me kritika ndaj socialistëve, por këtë të enjte në Kuvend zgjodhi të ndalej te figura e Berishës, duke e cilësuar atë si një politikan kontradiktor.

Pavarësisht komenteve për krisje në radhët e mazhorancës, mesazhi i Edi Ramës mbetet i qartë, brenda familjes socialiste lejohet të jesh vetvetja, por vetëm deri te vija e tretë e kuqe./ CNA





Lajmet e fundit nga