web counter
LEXO PA REKLAMA!

SHKARKO APP

E fundit!

x

Skandali tek Onkologjiku, ministrja Koçiu do të japë sot llogari në Kuvend

4 Korrik 2024, 08:03, Politikë CNA

Të enjten pritet të zhvillohet seanca plenare e radhës, ku priten diskutime dhe debate për skandalin që ndodhi tek Onkologjiku. 

Ministrja e Shëndetësisë, Albana Koçiu, do të japë sot ‘llogari’ para deputetëve të opozitës, të cilët janë drejtuar me dy kërkesa për interpelancë, një e grupit të PD-së dhe një tjetër kërkesë nga deputeti Arbi Agalliu i grupit Basha.

Ndërkohë në seancën e sotme plenare do të mbahet edhe raundi i dytë i votimit për plotësimin e vakancave në KLGJ dhe KLP. Dy kandidatët e dërguar nga Komisioni i Ligjeve në Kuvend për KLGJ janë Erind Mërkuri dhe Albens Tabaku, ndërsa për KLP janë Artan Reci dhe Bedar Bajri.

Në rendin e ditës është parashikuar edhe raportimi për veprimtarinë e vitit 2023 të disa institucioneve, si KQZ, AMF, Komisioneri për të Drejtën e Informimit dhe Mbrojtjen e të Dhënave Personale./CNA 

Skandali tek Onkologjiku, ministrja Koçiu do të japë sot





Lajmet e fundit nga