web counter
LEXO PA REKLAMA!

SHKARKO APP

App Store
Google Play

“Të bashkuar në betejë”/ Demokratët shpërndajnë fletushka për 11 Korrikun

2 Korrik 2024, 18:14, Politikë CNA

Këtë të martë, Sekretari i Përgjithshëm i PD-së, Flamur Noka, Kryetari i Grupit Parlamentar, Gazment Bardhi zhvilluan takime me qytetarë të kryeqytetit, në zonën e Pazarit të Ri.

Gjatë bashkëbisedimit me qytetarët dhe bizneset e zonës, Noka dhe Bardhi janë njohur me shqetësimet dhe problematikat që ata hasen gjatë përditshmërisë së tyre apo në ushtrimin e biznesit në kryeqytet.

“Në takimet me qytetarë dhe bizneset pranë zonës së Pazarit të Ri, Njësia 2 Tiranë, bashkë me Sekretarin e Përgjithshëm të PD Falmur Noka, anëtarët e Kryesisë dhe strukturat drejtuese të degës, kuptuam nga afër padurimin e qytetarëve për tu bashkuar në projektin për ndryshimin e gjendjes në vend dhe për një ekonomi që garanton mirëqënien për çdo qytetar shqiptar.

“Të bashkuar në betejë”/ Demokratët

Ekonomia është dështimi më i madh i Qeverisë së Edi Ramës dhe kryearsyeja për të ngritur zërin e protestuar në 11 Korrik, ora 20:00 përpara Kryeministrisë. Shqipëria për shkak të politikave të gabuara të Edi Ramës renditet e para në Europë për numrin e madh të popullatës në pasiguri për ushqim, e krahasueshme vetëm me disa shtete në Afrikë”, thotë Bardhi në një reagim në rrjete sociale.

Teksa shpërndanin fletushka nën moton, “Të bashkuar në betejë,” Sekretari i Përgjithshëm i PD-së dhe Kryetari i Grupit Parlamentar, iu bënë thirrje qytetarëve për pjesëmarrje masive në protestën e thirrur nga opozita e cila do të zhvillohet më datë 11 Korrik ora 20:00, për të ngritur zërin dhe për të kërkuar të drejtat e tyre përballë siç thonë ato, një pushteti kriminal siç është ai i Edi Ramës./ CNA

“Të bashkuar në betejë”/ Demokratët





Lajmet e fundit nga