web counter
LEXO PA REKLAMA!

SHKARKO APP

App Store
Google Play

E fundit!

x

Basha shan Berishën/ “Është hipokrit, sillet si Faraoni që kyç ushtrinë në piramidë”

1 Korrik 2024, 22:43, Politikë CNA
Basha shan Berishën/ “Është hipokrit, sillet si Faraoni
Sali Berisha dhe Lulzim Basha, burimi LSA

Lulzim Basha ka vijuar sulmet nddaj ish-kryeministrit Sali Berisha.

Mbrëmjen e sotme ai e ka sharë, duke e quajtur një faraon që kyç ushtrinë në piramidë.

Ai tha në një dalje televizive se Berisha është hipokrit që po krijon një tempull idhujtarie të rremë.

“Kemi një Parti Demokratike që është bërë me letra në 11 qershor, por që vazhdon të mbetet e zhveshur nga çdo sens misioni, përveç misionit që ka ndaj liderit të vet historik i cili për fat të keq, meqë jemi akoma te Kadareja, te vazhdimësia, te jehona e veprës së tij, po demostron një vullnet prej Faraoni për ta kyçur ushtrinë në piramidë. Dhe kjo sigurisht është e patolerueshme, është diçka që edhe diktatura ndonëse mund ta ketë ëndërruar, mund ta ketë dëshiruar nuk arriti dot ta bënte as me Partinë e Punës së Shqipërisë, e jo më ata që PD i ka bashkuar si një ëndërr për Shqipërinë si gjithë Europa, ta pranojnë të kthehet në një tempull idhujtarie të rreme. Kriza që kjo shkakton, dallohet qartë. Ata që ndjekin Faraonin në piramidë, tipar kryesor kanë depersonalizimin. Ata thonë gjëra që vet nuk i besojnë. Hipokrizia është tipari dallues dhe kjo natyrisht shoqëron edhe javët që kanë rrjedhur që prej 11 qershorit ku nuk ka as entuziazëm, as gëzim dhe asnjë moment të ri bashkimi apo ribashkimi energjish për misionin që duhet të ketë normalisht partia më e madhe në opozitë, që është të bëjë gjithçka për të larguar një qeverisje tashmë të vet të 12 dhe zullume rekord në këto 34 vite”, deklaroi Basha./ CNA





Lajmet e fundit nga