web counter
LEXO PA REKLAMA!

SHKARKO APP

App Store
Google Play

Elisa e inceneratorëve kërkon “gjuhë dashurie” në Kuvend

30 Qershor 2024, 19:57, Politikë CNA
Elisa e inceneratorëve kërkon “gjuhë dashurie”
Elisa Spiropali, Ministre Shteti

Ministrja e Shtetit për mardhëniet me Kuvendin, Elisa Spiropali ka zgjedhur ditën ndërkombëtare të parlamentarizmit të apeloj kolegët e saj të opozitës në parlament për përmirsimin e gjuhës në debatet gjatë seancave, por ka harruar të kërkojë ndjesë publike për gjuhën arrogante të përdorur nga vetë ajo. I kujtojmë zonjës së inceneratorëve se gjuha e përdorur gjatë senacave ndaj kolegëve të opozitës nuk është aspak etike. Ndaj dhe para se t’i drejtohet kolegëve, tu kërkoj ndjesë publike, shqiptarëve për kthimin e seancave parlamentare në një “komedi parlamentare”

Postimi i plotë

Sot, në Ditën Ndërkombëtare të Parlamentarizmit, uroj të mësojmë nga historia.

Ajo na ka dëshmuar se debatet më të forta dhe më jetëgjata janë ato me fjalët më të zgjedhura, se Kuvendi nuk është arenë e fjalës pa fre, po freri i çdo lloj abuzimi me fjalën, se të jesh përfaqësues i popullit tënd nuk është vetëm detyrë partie, por mbi të gjitha e gjithçka detyrë Shqipërie, dhe se funksionet ligjvënëse, monitoruese e mbikqyrëse të Kuvendit nuk janë fjalë goje, por detyra që marrin vlerë vetëm kur kanë për qëllim të vërtetën.

"Shqipëria2030 në Bashkimin Europian", nuk është slogan elektoral, por angazhim kombëtar plotësisht i realizueshëm.

Uroj që opozita të kuptojë e të brendësojë rëndësinë e saj duke parë përtej penxhereve e hekurave që ia pamundësojnë vështrimin e horizonteve më të gjera e të na bashkohet në Komisionin e Posaçëm për Thellimin e Reformave për Mirëqeverisjen, Sundimin e Ligjit, Antikorrupsionin dhe në Komisionin për Dezinformimin, duke dëshmuar përgjegjësi e pjekuri në këtë prag mbylljeje të sesionit parlamentar.

Sesioni tjetër, një hap më pranë zgjedhjeve, uroj të mos shtojë nxehtësinë, por cilësinë e punës së Kuvendit tonë të përbashkët./CNA





Lajmet e fundit nga