web counter
LEXO PA REKLAMA!

SHKARKO APP

App Store
Google Play

E fundit!

x

Ministra e kryebashkiakë në burg/ Rama: Ka plot minj në zyra shteti, do të ngre çarqe

28 Qershor 2024, 14:07, Politikë CNA
Ministra e kryebashkiakë në burg/ Rama: Ka plot minj në zyra
Kryeministri Edi Rama, burimi PS

Kryeministri Edi Rama i ka cilësuar si minj ministrat, kryebashkiakët dhe zyrtarët e qeverisë, të kapur nga SPAK-u për aferat dhe abuzimet.

Rama tha se në zyrat e shtetit ka minj e maskarenj pa mbarim, por theksoi se ata po i kap çarku i drejtësisë.

Ai deklaroi se do të ngrejë sa më shumë çarqe që t'i largojë këta minj.

“Fjalë më shumë përditë ka. Baltë më shumë sa të duash. Xhagajdur e maskarenj, nuk mbarojnë, dalin. Minj nëpër zyrat e shtetit, patjetër, por edhe kjo, që kur kapen minjtë, të vësh kujën, që “o po bëhet nami”. Ç'po bëhet nami? Shyqyr që po kapen, më shumë të kapen, për këtë punë kemi bërë gjithë këtë përpjekje dhe për këtë punë përpiqemi. Po minjtë i kap çarku. Prandaj, kemi ngritur e do ngremë edhe më shumë çarqe për të kapur minj. Por nuk mund të rrimë të tërë që të rrokanisemi ditë-natë, se u kapën ca minj aty, u kapën edhe ca minj këtu, tani duhet të ngrihemi të tërë e të merremi t'i biem njëri-tjetrit.

Secili ka punën e vetë për të bërë. Secili ka përgjegjësinë e vet për të mbajtur. Secili ka llogarinë e vetë për të dhënë dhe secili që është në anën e qytetarëve ka llogarinë e vetë për të kërkuar sipas detyrave. Kam dhënë këtë detyrë, ma bëj”, nënvizoi kreu i qeverisë nga Dhërmiu./ CNA





Lajmet e fundit nga