web counter
LEXO PA REKLAMA!

SHKARKO APP

E fundit!

x

Debate në Këshillin Bashkiak të Tiranës/ Socialisët miratojnë buxhetin, pa opozitën

27 Qershor 2024, 19:58, Politikë CNA
Debate në Këshillin Bashkiak të Tiranës/ Socialisët
Foto nga mbledhja e Këshillit Bashkiak të Tiranës

Mbledhja e Këshillit Bashkiak të Tiranës është zhvilluar mes debateve dhe ndërprerjes së fjalës ndaj këshilltarëve të opozitës.

Pas përfundimit të mbledhjes, këshilltarët e opozitës hodhën akuza ndaj socialistëve.

Dorian Teliti tha se në mbledhjen e sotme u miratua buxheti aktual dhe i 3 viteve pasardhëse, pa miratimin e tyre dhe në shkelje të ligjit.

Ai u shpreh në një lidhje televizive se opozitës iu ndërpre fjala, me qëllim që të mos bëhej transparencë.

“Mbyllën mbledhjen e Këshillit Bashkiak duke na ndërprerë fjalën në momentin që ne po bënim komentet për 17 aktet mbi një mijë faqe materiale që ne duhet t’i ezauronim sot në mbledhjen e Këshillit Bashkiak. Kryetarja e këshillit, bashkë me anëtarët e këshillit, në mënyrë të padrejtë, tërësisht në shkelje të rregullores na hoqën mikrofonat duke mos na lënë kohën e nevojshme për të ezauruar dhe për të dhënë mendimet tona. Sot kanë kaluar buxhetin e vitit aktual, miratuan projekt buxhetin afatmesëm të 3 viteve të ardhshme, miratuan edhe buxhetin faktik të vitit të kaluar tërësisht në shkelje të ligjit, pasi janë kryer pa konsultime publike”, theksoi Teliti./ CNA





Lajmet e fundit nga