web counter
LEXO PA REKLAMA!

SHKARKO APP

App Store
Google Play

E fundit!

x

Abuzimet tek Onkologjiku/ PD: Dosjen ta marrë SPAK-u

26 Qershor 2024, 13:58, Politikë CNA
Abuzimet tek Onkologjiku/ PD: Dosjen ta marrë SPAK-u
Kryetarja e Komisionit të Shëndetësisë, Zheni Gjergji

Kryetarja e Komisionit të Shëndetësisë, Zheni Gjergji në një deklaratë për mediat ka kërkuar hetim të thelluar sa i përket abuzimeve të mjekëve me pacientët tek spitali i Onkologjikut.

Demokratja madje kërkoi që dosjen ta marrë nën hetim SPAK-u dhe jo Prokuroria e Tiranës.

Kjo pasi pasi sipas saj rastet e mjekëve që bëjnë biznes me jetën e pacientëve janë të rënda dhe kriminale.

“Shqiptarët kanë mësuar të tronditur nga publikimet në media të vërtetën rrënqethëse dhe shokuese të shëndetësisë në Spitalin Onkologjik në Qendrën Spitalore “Nënë Tereza”, e cila kalon përmasat thjeshtë të një abuzimi të disa mjekëve dhe stafit mjekësorë në bashkëpunim me subjekte private të fushës së shëndetësisë.

Jeta dhe fati i mijëra qytetarëve shqiptarë të diagnostikuar me sëmundje tumorale, shpesh terminale, në vend që të gjenin një trajtim dinjitoz shëndetësor publik, në fakt janë përballur me një abuzim çnjerzor, duke u trajtuar si plaçkë për përfitime financiare midis stafit shëndetësor, drejtueseve të institucionit, klinikave private dhe firmave farmaceutike klienteliste.

Rastet e mjekëve që bëjnë biznes me jetën e pacientëve janë të rënda, kriminale. Çdo shkelje e etikës, çdo abuzim me bluzën e bardhë, me betimin e Hipokratit, është e dënueshme. Zemërata e qytetarëve pas daljes në media të bisedave, pjesë e dosjes penale, është e kuptueshme.

Organet e drejtësisë do të duhet të thellojnë hetimet tek Spitali Onkologjik dhe në të gjithë rrjetin e shërbimeve shëndetësore. Megjithatë, nuk mund të njollosen te gjithë mjekët e puna e tyre shpesh në kufinjtë e sakrificës njerëzore. Por nga ana tjetër çdo bluzë e bardhë që abuzon me detyrën, do të duhet të përballet me forcën e pamëshirshme të ligjit.

Rasti i personelit shëndetësor tek Onkologjiku nuk mund të trajtohet si një rast i izoluar. Ministria e Shëndetësisë dhe Mbrotjes Sociale, dhe të gjitha institucionet përgjegjëse vartëse do të duhet të mbajnë përgjegjësi.

E vërteta e shëndetësisë, e Onkologjikut, e shërbimeve të reduktuara, apo e mungesës së ilaçeve duhet kërkuar tek përgjegjësit kryesor, që janë qeveria dhe Ministria e Shëndetësisë.

SPAK dhe organet e Drejtësisë do të duhet të angazhohen në një hetim të thelluar pse mungojnë medikamentet pranë Onkologjikut dhe shërbimet e tjera spitalore? Pse Ministria e Shëndetësisë nuk mori masa ndonëse prej muajsh opozita, qytetarët dhe mediat kanë denoncuar situatën e rëndë në Onkologjik dhe në sistemin tonë shëndetësor?

Është provë besimi për SPAK që kësaj problematike skandaloze të mungesës së medikamenteve, të mostrajtimit shëndetësor të duhur, vjedhjeve dhe abuzimeve ti japë përgjigje me forcën e ligjit”, u shpreh ajo.

Gjegji kërkoi edhe një interpelancë urgjente me ministren Albana Koçiu për rastin.

E vërteta e shëndetësisë, e Onkologjikut, e shërbimeve të reduktuara, apo e mungesës së ilaçeve duhet kërkuar sipas Gjergjit tek përgjegjësit kryesor, që për të janë qeveria dhe Ministria e Shëndetësisë./ CNA





Lajmet e fundit nga